Juan 3:8 - Dios Rimashca Shimicunami

⁸ Huairaca, maimantapish p'ucunllami. Huajiajta uyashpapish maimanta shamucujta, maiman ricujta mana yachanguichu. Espiritumanta maijanpish huacharijca chai shinallatajmi– nircami.

Mushuj Testamento Diospaj Shimi

⁸ Huairaca, maimanta pʼucusha nishpapish pʼucunllami. Huajyajta uyashpapish maimanta shamucujta, maiman ricujtaca mana yachanguichu. Diospaj Espiritumanta huacharijpish, chashnallatajmi— nircami.

Juan 3:8 Iomraidhean Croise

SALMOS 107:25

Pai rimashpaca jatun huairatami jatarichirca. Mama cuchataca caiman chaimanmi cuyuchirca.

SALMOS 107:29

Paimi huairandij tamyatapish parachirca. Paimi caiman chaiman cuyuricuj yacutapish casijllata saquirca.

SALMOS 135:7

Paimari cai allpa tucurimanta p'uyutapish huichiyachin. Tamyapaj relampacunatapish paimari ruran. Huairatapish paimari huaquichishcamanta llujshichin.

ECLESIASTÉS 1:6

Huairapish uriman huichiman muyucunllami, pai purinallatataj cutin cutin tigrashpa muyucunllami.

EZEQUIEL 37:9

Chaimantami ñucataca cashna nirca: “Huañujlla aichayuj runalla, espirituman cashna huillai: Espiritulla, Mandaj Jatun Diosca cashnami nin: Espiritulla, cai pacha chuscundij ladomanta tandanacushpa cai huañushcacunata p'ucui, cutin causachun ninmi ni” nircami.

Juan 1:13

Taita Diospaj huahua tucungapajca mana huahuacuna huacharij shina aicha munaimanta, c'arita munashcamantachu huacharirca. Ashtahuanpish Taita Diospaj munaimantami huacharirca.

Juan 3:7

“Cutin huacharinami cangui” nishcamantaca, ama mancharichu.

Juan 3:9

Nicodemoca: –¿Ima shinataj chashnaca canga?– nijpimi,

Hechos 2:2

Paicuna chashna tandancushca cajpica, ñapish shuj jatun huaira huajiashpa p'ucuj shina jahua pachamanta shamushpami paicuna tiyacun huasipi jundarca.

Hechos 4:31

Chai q'uipaca, paicuna tandanacushpa tiyacun huasimi chujchurca. Paicunaca tucuicunami jucha illaj Espirituhuan junda carcacuna. Chashna cashpami Taita Diospaj Shimitaca mana manchashpa huillarcacuna.

1 Corintios 12:11

Ashtahuanpish tucui cai ruraicunataca, shujlla Espiritullatajmi rurachicun. Cada quiquinmanmi, pai munashca shinallataj chaupin.

1 Corintios 2:11

Pi cashpapish shujtaj imata yuyacushcataca mana yachanchu. Paipaj espiritullami yachan. Shinallataj Diospaj yuyaitapish pi mana yachanchu. Paipaj Espiritullami yachan.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.