Juan 3:36 - Dios Rimashca Shimicunami

³⁶ Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Mushuj Testamento Diospaj Shimi

³⁶ Pipish Churita crijca, huiñai causaita charinmi. Ashtahuanpish Churita mana crijca, huiñai causaitaca manataj charingachu, Diosca jatunta pʼiñacungallami.

Juan 3:36 Iomraidhean Croise

JOB 33:28

Taita Diosmi paitaca pambana jutcuman rinamanta quishpichinga. Chaimantami paica achijtapish ricushpa causanga.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

SALMOS 49:19

Chashna cashpapish paipaj yayacunapaj huahua huahuacuna causacunllamantajmi yaicunga. Luztaca nunca mana ricungachu.

HABACUC 2:4

Riqui mana alli shunguta charijca jatun tucunllami. Ashtahuanpish cashcata rurajca, crishcallamantami causanga.

NÚMEROS 32:11

“Egiptomanta llujshimujcunaca ishqui chunga huatayujmanta huichiman cajcunaca Abrahamman, Isaacman, Jacobman Mandaj Dios cushca llajtataca mana ricungacunachu. Mandaj Diospi mana shunguta churashcamantami mana ricungacuna.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

Marcos 16:16

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Lucas 2:30

Quiquin cushca Quishpichijtaca, ñuca ñahuihuantajmi ricuni.

Lucas 3:6

Tucuicunami Dios cachashca Quishpichijtaca ricungacuna” ninmi”.

Juan 1:12

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Juan 4:36

C'uchujpish c'uchushcamanta pagota japinmi. Chai c'uchushcaca huiñai causaipajmi. Chashna cajpimi c'uchujpish, tarpujpish ishquindijtaj cushicunga.

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:58

Cai tandaca jahua pachamanta shamushcami. Cancunapaj ñaupa yayacuna micushca maná shuti tanda shinallaca mana canchu. Paicunaca chaita micushpapish huañurcallacunami. Cai tandata micujca, huiñaitami causanga– nircami.

Juan 8:51

Pipish ñuca yachachishcacunata cazujca, manataj huañungachu. Chaica chashnatajmi canga– nijpimi,

Hechos 14:2

Ashtahuanpish paicuna huillashcata mana crisha nij judiocunaca, mana judiocunatami Jesusta catijcunata p'iñana yuyaita cushpa yachachircacuna.

Romanos 4:15

Mandashcaca Diospaj p'iñaitami apamun. Ashtahuanpish Mandashca mana tiyanpica, Mandashcata p'aquinapish mana tiyanchu.

Romanos 5:9

Tucuimanta yallica Cristopaj yahuarhuan justificashcacunami canchij. Chashna cashpami, Dios p'iñarishpa llaquichinamantaca quishpichishca cashun.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

Gálatas 3:10

Mandashcapi nishcata rurashpa alli ricurishun nijcunaca, tucuicunami llaquichishca canapaj. Cashnami quillcashca tiyacun: “Mandashcata quillcashca libropi imalla tiyacujta tucuita mana pajtachijcunaca, llaquichinapajllatajmi” ninmi.

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

1 Tesalonicenses 1:10

Huañushcacunapaj chaupimanta causarishca, paipaj Churi jahua pachamanta shamujta shuyana tucushcatapishmi parlancuna. Shamuj punlla Taita Dios p'iñarishpa llaquichinamantaca, chai Jesusmi ñucanchijta quishpichirca.

1 Tesalonicenses 5:9

Taita Diosca ñucanchijtaca, p'iñarishpa llaquichingapajllatajca mana agllarcachu. Ashtahuanpish ñucanchijta Mandaj Jesucristomanta quishpichishca cachunmi agllarca.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Hebreos 3:18

¿Picunatataj ñucahuan samarinamanca manataj yaicungacunachu nirca? Paita mana cazujcunatami chashna nishca carca.

Hebreos 3:19

Paicunaca, mana crijcuna cashcamanta mana yaicui tucushcatami ricunchij.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.