Juan 3:27 - Dios Rimashca Shimicunami

²⁷ Chaimi Juanca cashna nirca: –Jahua pachamanta mana cushca cajpica, runaca imata mana chasqui tucunchu.

Mushuj Testamento Diospaj Shimi

²⁷ Chashna nijpimi, Juanca cashna cutichirca: —Jahua pacha Diosllataj cujllapimi, pipish ima ruranataca chasqui tucun.

Juan 3:27 Iomraidhean Croise

JEREMÍAS 1:5

“Manaraj cambaj mamapaj huijsapi huiñachishpami, cantaca ña ricushcata charicurcani. Manaraj huacharijpimi, cantaca ñucallata servichun agllarcani. Cantaca tucui llajtacunapi causajcunaman ñuca ima nishcata huillajtami rurarcani” nircami.

JEREMÍAS 17:16

Shina nicujpipish, ñucaca mana paicunata utca llaquichichun mañashcanichu. Paicunapaj jatun llaqui punlla chayamuchunpish mana mañashcanichu. Ñuca imallata nishcataca canllataj yachanguimi. Cambaj ñaupajpimi, imatapish shimi llujshini.

AMÓS 7:15

Shina cajpipish Mandaj Diosmari ñucataca huagrata michicujta japishpaca: Ñuca imalla nishcata ñuca agllashca israelcunaman ri huillagri nirca.

NÚMEROS 17:5

Chaipica maijantami ñucapajta rurachun agllani chaipaj tauna caspipimi sisa huiñanga. Chashna rurashpami, ñuca ñaupajpi israelcuna cancunata p'iñashpa juchachishpa rimajcunataca upallachisha” nircami.

Mateo 21:25

Bautizaj Juan bautizachunca ¿Dioschu, runacunachu pitaj cachashca canga?– nishpa tapujpimi paicunapura parlanacushpaca, cashna ninacurca: –Juantaca Dios cachashcami nijpica: “Shinashpaca ¿ima nishpataj pai huillashcataca mana crircanguichij?” ningami.

Mateo 25:15

Shujmanca pichca talento cullquita, caishujmanca ishqui talento cullquita, chaishujmanca shuj talento cullquitami saquirca. Chaitaca paicuna imallata rurai tucuna shinaman saquishpami, caru llajtaman rirca.

Marcos 13:34

Tucui chashna tucunaca shuj runa huasita saquishpa, caru llajtata rij shinami. Chai runaca paipajta rurajcunataca, ch'ican ch'ican ruranacunata rurachun mandashpami saquin. Shinallataj pungupi cuidajtapish alli chaparacungui nishpami saquin.

Juan 10:41

Chaipi cajpi achcacuna paipajman rishpaca: –Juanca ima milagrota mana rurashca cashpapish cai runamanta tucui pai huillashcaca, mana llullachu cashca– nircacunami.

Juan 6:65

Chaita yachashpami cashna nirca: –Cancunamanca ñuca Yaya crina yuyaita mana cujpica, pipish ñucapajmanca mana shamui tucunchu nircani– nircami.

Romanos 1:5

Paimantami mana c'uyaipajta c'uyaj canata, apóstol canatapish chasquircanchij. Chaimanta paipaj shutita c'uyashpami, tucui mama llajtacuna Jesucristota crichun huillacunchij.

Romanos 12:6

Mana c'uyaipajta c'uyashpa Dios cushca rurai tucunataca, ch'ican ch'icantami charinchij: Profetizachun cushcata maijan charijca, crinata cushca shina rurachun.

1 Corintios 1:1

Jesucristopaj apóstol cachun Taita Dios munashpa cayashca Pablomi cani. Huauqui Sostenesdijmi,

1 Corintios 12:11

Ashtahuanpish tucui cai ruraicunataca, shujlla Espiritullatajmi rurachicun. Cada quiquinmanmi, pai munashca shinallataj chaupin.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

1 Corintios 3:5

¿Pablopish, Apolospish imataj canchigari? Ñucanchij huillajpimi crircanguichij. Ñucanchijca Cristopajta rurajcunallami canchij. Ñucanchijca cada quiquinman imata rurai tucunata Mandaj Jesús cushca shinalla rurajcunami canchij.

1 Corintios 4:7

Chashna cajpica ¿pitaj cantaca caishujta yalli jatunyachin? ¿Can charishcacunataca manachu tucuita Dios cushca? Pai cushcallata charishpaca ¿ima nishpataj canllataj charishca shina jatun tucungui?

Gálatas 1:1

Pabloca (mana runacuna mandashcamanta, mana runacuna agllashcamantachu, ashtahuanpish huañushcacunapaj chaupimanta Dios Yaya causachishca Jesucristomantami) apóstol cani.

Efesios 1:1

Taita Dios munashcamanta Jesucristopaj apóstol Pablomi cani. Cristo Jesushuan shujlla tucushpa, Éfeso pueblopi alli caticuj jucha illajcunahuanca:

1 Timoteo 2:7

Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.