Juan 3:26 - Dios Rimashca Shimicunami

²⁶ Paicuna Juanpajman shamushpaca: –Rabí, canhuan Jordán yacu ch'imbanijpi cajta, ñucanchijman can huillacushca runapish bautizacunmari. Tucuicunami paipajman ricuncuna– nircacunami.

Mushuj Testamento Diospaj Shimi

²⁶ Chaimantami Juanpaj yachacujcuna paipajman rishpaca: —Rabí, can ñucanchijman parlashca runaca, canhuanmari Jordán yacu chʼimbanijpi carca. Cunanca Paipish bautiźacunmari. Gentecunapish tucuicunamari, Paipajman ricuncuna— nircacunami.

Juan 3:26 Iomraidhean Croise

SALMOS 65:2

Quiquinca mañashcata uyanguimi. Tucuicunami quiquinpajmanca shamungacuna.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

ISAÍAS 45:23

Ñucatajmi chashnatajmi rurasha nircani. Cashcatataj rurana shimicunaca ñuca shimimantami llujshin. Chashna nishcaca mana huashaman tigrarishcachu canga. Ñuca ñaupajpica tucuicunami cunguringacuna. Tucuicunami ñuca shutipi imatapish rurashun ningacuna.

Mateo 23:7

Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.

Mateo 23:8

Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij.

Juan 1:15

Bautizaj Juan Jesusmanta huillashpaca: “Ñucapaj q'uipa shuj shamucunmi nishcaca paimari. Paica ñucapaj q'uipa shamushpapish ñucapaj ñaupa ña tiyashcamanta ñucata yalli jatunmari” nishpami caparirca.

Juan 1:7

Pai huillajpica tucuicuna crichunmi, chai luzmanta huillangapaj paica shamurca.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 11:48

Paita chashna rurashpa catichun saquijllapica, ñataj paita tucuicuna crinman, ñucanchij Taita Diospaj huasitapish Roma llajtamanta shamushpa urmachishpa shitanman, cai ñucanchij llajtatapish ñataj quichunman– nircacunami.

Juan 12:19

Ashtahuanpish fariseocunaca: –Chaica riqui, imata mana rurai tucunchijca. Tucuicunamari paita catishpa rincuna– nishpami paicunapura ninacurcacuna.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 4:1

“Jesusca achca yachacujcunatami charin, Juanta yallimi bautizacun” nijta fariseocuna yachashcatami Mandaj Jesusca yacharca.

Juan 4:2

(Jesusca mana bautizarcachu, paipaj yachacujcunami bautizarca).

Juan 4:31

Chaicamaca Jesuspaj yachacujcunaca: –Rabí, micupaiyari– nicurcacunami.

Juan 5:33

Cancunaca ñuca pi cashcata tapuchunca Juanpajmanmi cacharcanguichij. Paica mana llullashpami ñucamantaca huillarca.