Juan 3:23 - Dios Rimashca Shimicunami

²³ Juanpish, Salim pueblo c'uchupi caj Enonpimi, achca yacucuna tiyashcamanta bautizachun paipajman shamujpica bautizarca.

Mushuj Testamento Diospaj Shimi

²³ Juanpish, Salim cʼuchupi caj, achca yacucuna tiyan Enón pambapimi, paipajman shamujcunata bautiźacurca.

Juan 3:23 Iomraidhean Croise

GÉNESIS 33:18

Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca.

JEREMÍAS 51:13

Jatun yacucuna chaupipi causajcunalla, cancunaca achcata charijcunami canguichij. Cancunapajca huañuimi chayamushca, cancuna jahuanpi jahuanpi charijyashca tucurinamari chayamushca.

EZEQUIEL 19:10

Cambaj mamaca, yacu c'uchupi tarpushca uva yura shinami uva chagrapica ricurirca. Paica achca yacu c'uchupi tarpushca cashpami, alli granota p'ucurca, alli ramacunatapishmi charirca.

EZEQUIEL 43:2

Chaipica inti llujshin ladomanta Diospaj achij nicuj shamucujtami ricurcani. Chai achij nicujca, achca yacucuna huajiashpa shamuj shinami shamurca. Mandaj Diospaj achij nicujmi, cai llajtataca achij nicujta rurarca.

Lucas 3:7

Bautizai nishpa shamuj chai tucuicunataca, Juanca cashnami nirca: –¡Culebra shina millaicuna! Dios p'iñarishpa ñalla jatunta llaquichinamanta quishpirichunca ¿pitaj huillarcari?

Juan 3:22

Chai q'uipami Jesusca, paipaj yachacujcunandij Judea llajtaman shamurca. Paicunahuan chaipi cashpami bautizarca.

Juan 3:24

Chaicamaca, manaraj Juantaca carcelashcachu carca.

Apocalipsis 1:15

Paipaj chaquicunapish, hornopi bronceta rupachishpa llambujllata rurashca shina achij nicujmi carca. Pai rimashcapish, achca yacu huajiacuj shinami carca.

Apocalipsis 14:2

Cielomantaca jatun yacucuna huajiashca shinata, jatunta c'ulun nicuj shina shuj rimashcatapishmi uyarcani. Chai rimashcaca, arpapi tocajcuna tocajpi paicunapaj arpacuna uyarij shinatami uyarcani.

Apocalipsis 19:6

Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

1 SAMUEL 9:4

Chaimi Saulca Efraín aillupaj urcuta mashcashpa rishpaca, Salisa llajtacama mashcashpapish mana japircacuna. Chai q'uipaca Saalim llajtata mashcashpa rishpaca Benjamín aillupaj llajtata mashcashpapish mana japircacunachu.