Juan 3:21 - Dios Rimashca Shimicunami

²¹ Ashtahuanpish mana llullapi causacujcunaca paicuna rurashcacuna Taita Dios munashcata ruracushca tucuicunapaj ñaupajpi alli ricurichun luzman c'uchuyanllacunami– nircami.

Mushuj Testamento Diospaj Shimi

²¹ Ashtahuanpish rurana cashcata rurajcunaca, Taita Dios munashca shina causacushca ricurichunmi, Luzmanca cʼuchuyamunllacuna— nircami.

Juan 3:21 Iomraidhean Croise

SALMOS 119:105

Quiquinpaj shimica ñuca chaqui sarunata achijyachijmi. Ñuca ñanta achijyachijmi.

SALMOS 119:80

Ñuca ama pingachishca cangapajca, quiquin chaitataj pajtachichun nishcacunapi ñuca shunguca imata mana pandaj cashca cachun.

ISAÍAS 26:12

Mandaj Dioslla, quiquinmi ñucanchijmanca sumaj causaita cungui. Tucui imata ñucanchij rurajpipish quiquinmi rurachishcangui.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

OSEAS 14:8

Efrainca: Rurashca dioscunaca ñucapajca imapaj mana valinchu ningami. Chashna nijpica ñucaca pai mañashcataca uyashami, ricushami”. Ñucaca paipajca verdijlla pino yura shinami casha. Ñucapimi p'ucushca granotaca japinga.

Juan 1:47

Jesusca paipajman Natanael shamucujta ricushpaca: –¡Caitajca israeltajmari, paipica ima umana mana tiyanchu!– nijpimi,

Juan 3:20

Millaita rurajcunaca, tucuicunami luztaca p'iñancuna. Paicuna rurashcacuna ama ricurichunmi luzmanca mana c'uchuyashun nincuna.

Juan 5:39

Quillcachishcacunata yachashpami huiñai causaita charishun yuyanguichijmi. Chai Quillcallatataj callarishpa alli ricuichij. Chai Quillcachishcacunaca ñucamantamari huillacun.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

2 Corintios 1:12

Ñucanchijca cai pachapi Dios cushca mapa illaj, mana nij tucushcalla causaita cancunahuan causashcamantami cushicunchij: Chaica mana runacunapaj yachaimantachu, ashtahuanpish Diospaj mana c'uyaipajta c'uyaihuanmi chashna causarcanchij. Chaitaca ñucanchij ucu yuyaipimi huillacun.

Gálatas 6:8

Maijanpish quiquin aichapaj tarpujca, aichamantaca ismujllatami tandanga. Ashtahuanpish Espiritupaj tarpujca, Espiritumantaca huiñai causaitami tandanga.

Efesios 5:9

(Espiritupaj granoca, tucuipi alli cajmi, cashcata rurajmi, mana llulla canapishmi).

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Filipenses 2:13

Allita ruranatapish, allita munanatapish Diosmi pai munashcamanta cancunapica rurachicun.

Colosenses 1:29

Chaipajca Cristo ima shina fuerzata cushcahuanmi macanacucuj shina trabajacuni. Chai fuerzami ñucapica poderhuan rurachicun.

Hebreos 13:21

Tucui imatapish pai munashca shina allita rurajcuna cachunca, Diosllataj cancunataca yachachichun. Jesucristomantami tucui cancunataca paillataj pai munashca shinata rurachicun. Pai Jesucristotaca huiñai huiñaita jatunyachishca cachun. Chashna cachun.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

3 Juan 1:11

C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.

Apocalipsis 3:15

Ñucaca can imalla rurashcacunata yachanimi. Canca chiripish, rupajpish mana canguichu. ¡Chiri cashpapish chiri, rupaj cashpapish rupaj cachunmi munani!