Juan 3:2 - Dios Rimashca Shimicunami

² Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Mushuj Testamento Diospaj Shimi

² Paimi Jesuspajman tuta shamushpaca, cashna nirca: —Rabí, Canca ñucanchijta yachachichun Taita Dios cachashcamari cangui. Taita Diosllataj Pai Canhuan cajpi Canca, cai señalcunata ruracushcataca yachanchijmi— nircami.

Juan 3:2 Iomraidhean Croise

1 REYES 17:24

Chaimi chai huarmica Eliastaca: –Cunantajca cantaca, Diospaj runataj cashcata yachanimi. Cantaca Mandaj Diostajmi rimachicun– nircami.

ISAÍAS 51:7

Cashcata ruranaca ima cashcata rijsijcuna uyaichij. Ñuca mandashcaca cancunapaj shungupimari. Runacuna yanganchishcataca ama manchaichu. Paicuna c'amijpipish ama mana catisha nichu.

JEREMÍAS 38:16

Shina nijpica jatun mandaj Sedequiasca, Jeremiastaca pacallapimi cashna nirca: –Cantapish ñucatapish causaiyujta ruraj, Mandaj Diospish ricucunmi. Cantaca manataj huañuchishachu. Canta huañuchishun nishpa shuyacuj mandajcunamanpish manataj cushachu– nircami.

Mateo 22:16

paicunapaj yachacujcunataca, Herodespura caj maijancunandij cashna nichun cacharcacuna: –Yachachij, canca imatapish ima shina cashcatataj yachachijmi cangui. Diosta ima shina cazunatapish chaitataj yachachijmi cangui. Pita mana manchashpa paicunapi alli ricuringa raicullaca mana yachachijchu cangui.

Mateo 23:7

Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.

Mateo 23:8

Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij.

Marcos 12:14

Paicuna shamushpaca: –Yachachij, canca imatapish ima shina cashcatataj yachachijmi cangui. Taita Diosta ima shina cazunatapish chaitataj yachachijmi cangui. Pita mana manchashpa paicunapi alli ricuringa raicullaca mana yachachijchu cangui. Chaimi caita tapushun ninchij. Cesarman tributota cunaca mandashcapi nishca shinaca ¿allichu canga imashi? ¿Cushunchu, manachu cushun?– nircacunami.

Juan 1:38

Paicuna caticujta Jesús tigrarishpa ricushpaca: –¿Imatataj mashcacunguichij?– nijpi, paicunaca: –Rabí, ¿maipitaj causangui?– nircacuna. (Rabí nishcaca: “Yachachij” nisha ninmi).

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 12:37

Jesusca judiocunapaj ñaupajpi, pi mana rurai tucuipajta achcata rurajpipish paitaca mana crircacunachu.

Juan 14:10

Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Juan 15:24

Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 20:16

Chaimi Jesusca: –¡María!– nijpi, pai tigrarishpaca: –¡Raboni!– nirca. (Raboni nishcaca: “Yachachij” nisha ninmi).

Juan 3:26

Paicuna Juanpajman shamushpaca: –Rabí, canhuan Jordán yacu ch'imbanijpi cajta, ñucanchijman can huillacushca runapish bautizacunmari. Tucuicunami paipajman ricuncuna– nircacunami.

Juan 4:31

Chaicamaca Jesuspaj yachacujcunaca: –Rabí, micupaiyari– nicurcacunami.

Juan 5:36

Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Juan 6:2

Pi mana alliyachipaj unguihuan cajcunata Jesús alliyachijta ricushcamantami achcacuna paita catishpa rircacuna.

Juan 7:31

Chaipi cajcunamanta achcacuna Jesusta crishpaca: –Pai mana Cristo cajpica Cristo shamushpaca ¿cai runa rurashcacunatapish yallitachu ruranga imashi?– nircacunami.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

Filipenses 1:14

Chaupi yalli huauquicunami prezupi ñuca cajpipish, Mandaj Jesuspi sinchiyashpa Diospaj shimitaca ashtahuan mana manchashpa huillancuna.

JUECES 6:27

Chaimi Gedeonca, paipajta rurajcunapuramanta chunga runacunata pushashpa Mandaj Dios nishca shina rurarca. Paipaj yayapaj familiacunatapish, pueblopi causajcunatapish manchashcamantami, Mandaj Dios mandashcata punlla mana rurashpa tuta rurarca.