Juan 3:18 - Dios Rimashca Shimicunami

¹⁸ Taita Diospaj Churita crijtaca, jatun llaquiman rina nishcaca mana cangachu. Ashtahuanpish paipaj shujlla Churita mana crijtami jatun llaquiman rinatajmi can nishca.

Mushuj Testamento Diospaj Shimi

¹⁸ Pipish Paita crijca, jatun llaquimanca mana ringachu. Ashtahuanpish Taita Diospaj shujlla Churita mana crijmi, Paita mana crishcamantaca ña jatun llaquiman rinapaj tiyacun.

Juan 3:18 Iomraidhean Croise

Marcos 16:16

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Juan 1:12

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Juan 6:47

Pipish ñucata crijca, huiñai causaita charintajmi. Chaica chashnatajmi.

Romanos 5:1

Crishcamanta justificashcacuna cashpami, ñucanchijta Mandaj Jesucristomanta Dioshuan sumaj causaita charinchij.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

Romanos 8:34

¿Pitaj jatun llaquimanca cachangari? Cristomari ña huañurca, causarircapishmari. Paica, Yayapaj alli ladopi ñucanchijmanta mañaracunpishmari.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Hebreos 3:19

Paicunaca, mana crijcuna cashcamanta mana yaicui tucushcatami ricunchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 4:9

Diosca paipaj shujlla Churimanta ñucanchij quishpirichunmi cai pachaman cacharca. Chashnami pai c'uyaj cashcataca ricuchirca.

1 Juan 5:10

Diospaj Churipi maijanpish crijca, pai quiquinllapitajmi huillajtaca charin. Diosta maijanpish mana crijca, paitaca llullatami ruran. Paipaj Churimanta Dios huillashcatami mana crishca.

1 Juan 5:12

Diospaj Churihuan maijanpish shujlla cajca, causaitami charin. Diospaj Churihuan maijanpish mana shujlla cajca, causaitaca mana charinchu.