Juan 3:16 - Dios Rimashca Shimicunami

¹⁶ Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Mushuj Testamento Diospaj Shimi

¹⁶ Taita Diosca cai pachapi causajcunata yallitaj cʼuyashpami, Paipaj shujlla Churita curca. Pipish Paita crijca ama chingarichun, ashtahuanpish huiñai causaita charichunmi Paita curca.

Juan 3:16 Iomraidhean Croise

GÉNESIS 22:12

Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

Mateo 9:13

“Sacrificiocunataca mana ninichu. Ashtahuanpish llaquij cachunmi munani” nishcaca imata nisha nishcataraj yachamugrichij. Ñucaca cashcata rurajcunataca mana cayaj shamurcanichu. Ashtahuanpish mana allita ruracushcata saquishpa cutirichunmi cayaj shamurcani– nircami.

Marcos 12:6

Tucui chaicunapaj q'uipaca, chagrayujca shujlla c'uyashca churitami: “Ñuca churitatajca cazungami” nishpa cacharca.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 3:15

Pipish paita crijca ama chingarishpa, ashtahuanpish huiñai causaita charichunmi chashnaca tucunga.

Juan 3:18

Taita Diospaj Churita crijtaca, jatun llaquiman rina nishcaca mana cangachu. Ashtahuanpish paipaj shujlla Churita mana crijtami jatun llaquiman rinatajmi can nishca.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Romanos 5:10

Diosta p'iñajcuna cajpipish, paipaj Churi huañushcamantami, Diosca ñucanchijhuan alli tucurca. Ashtahuancarin ña alli tucushca cashcamantaca, Jesús causacushcamantaca quishpichishcami cashun.

Romanos 5:8

Ashtahuanpish ñucanchijca juchayujcuna cajpiraj Cristo ñucanchijmanta huañujpimi, Diosca ñucanchijta c'uyaj cashcataca ricuchin.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

Efesios 2:4

Ashtahuanpish Diosca llaquij canapi charij cashpami, paipaj jatun c'uyaihuan ñucanchijtaca c'uyarca.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

Tito 3:4

Chashna cajpipish ñucanchijta Quishpichij Diosca, alli cashcata, c'uyaj cashcata tucuicunaman ricuchishpami,

Hebreos 2:9

Ashtahuanpish Jesustaca ashacamallami angelcunata yalli yangallata rurashcata ricunchij. Diosca mana c'uyaipajta c'uyaj cashpami, tucuicunamanta huañuita rijsichun nirca. Llaquita apashpa huañushcamantaca, tucuicunata yalli sumaj alli nishcatami rurashcangui.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

1 Juan 4:19

Ñucanchijca pairaj c'uyashcamantami, paitaca c'uyanchij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.