Juan 3:14 - Dios Rimashca Shimicunami

¹⁴ Ima shinami shitashca pambapi Moisesca culebratajllata rurashpa caspipi jahuaman huarcurca. Chai shinallatajmi Runa Aichayujpish caspipi huarcushcataj cana can.

Mushuj Testamento Diospaj Shimi

¹⁴ Ima shinami shitashca pambapi Moisesca, bronce culebrata caspipi huarcurca, Runa Aichayujpish chai shinallataj caspipi huarcushca cangatajmi.

Juan 3:14 Iomraidhean Croise

2 REYES 18:4

Ezequiasca lomacunapi tiyaj altarcunatapish anchuchircami. Rurashcalla dioscunatapish p'aquircami. Asera huarmi diosman rijchajcunatapish p'aquircami. Israelcunaca Moisés rurashca bronce culebrapaj ñaupajpi chai punllacama inciensota rupachicushcamantarajmi chai culebrataca ñuturca. Chai culebrataca, israelcunaca Nehustán nijcunami carca.

SALMOS 22:16

Allcucunami ñucataca muyunchishca. Mirga millai runacunami ñucataca muyunchishca. Ñuca maquicunatapish, ñuca chaquicunatapish chugrichincunami.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

Mateo 26:54

Chashna mitsarijpica, ¿ima shinataj Quillcachishcapi nishca shinaca pajtangari? Chaica pajtanatajmi can– nircami.

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Lucas 24:20

Paitamari curacunata pushajcuna, ñucanchij llajtata mandajcunapish huañunatajmi can nishpa cujpi chacatashpa huañuchincuna.

Juan 18:32

Paicuna chashna nishpaca, Jesús ima shina pai huañuna cashcata ñaupaman huillashca pajtachunmi chashna nircacuna.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.