Juan 3:13 - Dios Rimashca Shimicunami

¹³ Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Mushuj Testamento Diospaj Shimi

¹³ Jahua pachamanca, pi mana huichiyarcachu. Runa Aichayujmi, jahua pachapi causacushpa uriyamurcani.

Juan 3:13 Iomraidhean Croise

PROVERBIOS 30:4

¿Pitaj jahua pachaman rishpa cutin tigramushcari? ¿Pitaj huairataca maquipi lutsashpa chari tucungari? ¿Pitaj mama cucha yacutapish paipaj jahua churanapi pillushpa chari tucungari? ¿Pitaj cai allpa maicama canatapish alli ricushpa churarcari? ¿Tucui chaita rurajtaca, pi cashcata yachanguichu? ¿Paipaj churitapish rijsinguichu?

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 3:12

Cai pachapi tiyajcunamanta huillajpipish, mana cringuichu. Jahua pachapi tiyajcunamanta huillajpicarin ¿ima shinataj cringuiyari?

Juan 3:31

Jahua pachamanta shamujmi, tucuita rurai tucuj. Cai pachamanta cajca, cai pachapajllami. Chaimantami cai pachapi tiyajcunallata riman. Jahua pachamanta shamujmi, tucuita rurai tucuj.

Juan 6:33

Taita Dios cushca tandatajca, jahua pachamantami shamun. Paimi cai pachapi causajcunamanca causaita cun– nijpimi,

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 6:42

cashna nircacuna: –Caica ¿manachu Josepaj churi Jesús? Paipaj yaya mamatapish ñucanchijca rijsinchijmi. ¿Ima nishpataj cunanca: “Jahua pachamantami shamurcani” ninchu imamí?– nircacuna.

Juan 6:46

Taita Diostaca, pi mana ricushcachu. Pai cachajpi shamuj, ñucallami paitaca ricurcani.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Juan 6:62

Runa Aichayujtaca ñaupaman pai maipi cashcaman cutin huichiyajta ricushpacarin ¿imatashi ninguichij?

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 2:34

Mana Davidchu jahua pachamanca chashna tucushpa rirca. Paillatajmi cashna nin: “Jatun Diosca ñucata Mandajtaca cashnami nirca: Canca ñuca alli ladoman tiyari.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Romanos 10:6

Ashtahuanpish crishcamanta justificanamantaca cashnami nin: Ama cambaj shungupica: “¿Pitaj jahua pachaman huichiyangari?” ningui. (Chashna nishpaca, Cristota uriyachisha nishca shinallatajmi tucungui).

1 Corintios 15:47

Punta runaca allpamantami carca, allpallatajmi. Q'uipa runaca jahua pachamantami, paica Mandaj Jesusmi.

Efesios 1:23

Crijcunaca paipaj cuerpomi, paillatajmi tucuicunapi yallijta jundan.

DEUTERONOMIO 30:12

¿Pitaj ñucanchijpaj randi jahua pachaman huichiyashpa chai mandashcacunata apamushpa ñucanchijman uyachijpi, chaicunataca pajtachishunri? nichunpish chai mandashcacunaca mana jahua pachapichu.