Juan 21:7 - Dios Rimashca Shimicunami

⁷ Chaimantami Jesuspaj c'uyashca yachacujca, Pedromanca: –¡Paica Mandaj Jesusmari!– nirca. Simón Pedroca, Mandaj Jesusmari nijta uyashpaca, churanata llujshichishca cashpami churanata churarishcahuan yacuman shitarishpa Jesuspajman rirca.

Mushuj Testamento Diospaj Shimi

⁷ Chaimantami Jesús cʼuyashca yachacujca, Pedrotaca: «¡Apunchij Jesusmari!» nirca. «Apunchij Jesusmari» nijta uyashpaca Simón Pedroca, churanata churarishpa chumbillirishcahuan, yacuman huashicurcallami. Chaicamaca churanata llujshichishcami puricurca.

Juan 21:7 Iomraidhean Croise

SALMOS 118:23

Chaitaca Mandaj Diosllatajmi chashna rurashca. Chaica ñucanchij ricuipica mancharinami.

CANTARES 8:7

Chai rupaj c'uyaitaca, achca yacucunapish manataj huañuchi tucunchu. C'uyaitaca jatun yacucunapish manataj millpui tucunchu. C'uyaitaca tucui imalla charishcacunahuan japisha nij runaca p'iñai tucunmanllami.

Marcos 11:3

Cacharicujpi pi imata nijpica: “Mandaj Jesusmi pushaj cacharca, ñallami saquij cachanga”– ninguichij nircami.

Lucas 12:35

Cancunaca ña chumbillirishca, lamparatapish japichishca caichij.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 7:47

Chaimantami cantaca cashna nini: Paipaj achca juchacunata perdonashcata yachashpami, cai huarmica ñucataca achcata c'uyan. Ashalla juchacunata perdonashcacunaca ashallatami c'uyan– nirca.

Juan 13:23

Paipaj yachacujcunamanta Jesús c'uyashca shuj yachacujmi, Jesuspaj c'uchupi quinrilla sirishpa micucurca.

Juan 19:26

Jesusca, paipaj mamata, paipaj c'uyashca yachacujta chaipi cajta ricushpami paipaj mamataca: –Huarmi, paimi cambaj churi– nirca.

Juan 20:2

Chaimantaca Simón Pedropajman, Jesús c'uyashca caishuj yachacujpajmanpish callpashpa rishpami paica: –Mandaj Jesustaca jutcumanta apashcacunamari. Maipichari churarcacuna, mana yachanchijchu– nirca.

Juan 20:20

Chashna nishpaca paipaj maquicunata, costillatapishmi ricuchirca. Yachacujcuna Mandaj Jesusta ricushpaca, yallitajmi cushicurcacuna.

Juan 20:28

Tomasca: –¡Ñucata Mandaj, ñuca Taita Dioslla!– nirca.

Juan 21:20

Pedro tigralla ricushpaca, Jesuspaj c'uyashca yachacuj caticujtami ricurca. Chai yachacujllatajmi sarun micucujpica, Jesuspi huancarishpa: “Mandaj Jesús ¿Canta huañuchichun japichijca pitagari?” nishpa tapujca carca.

Juan 21:24

Chai mana huañungachu nicushca yachacujmi caicunataca huillashpa quillcan. Pai huillashcacunaca tucui chashnataj cashcatami yachanchij.

Juan 21:8

Caishuj yachacujcunaca, linchi junda chalhuata barcohuan aisashpami rircacuna. Allpaman chayanapajca, iscun chunga metro shinallami illarca.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

Hechos 2:36

Tucui israelcunami caitaca allitaj yachana canguichij. Chai cancuna chacatashca Jesusllatatajmi Mandaj cachunpish, Quishpichij Cristo cachunpish Taita Diosca churarca” nircami.

1 Corintios 15:47

Punta runaca allpamantami carca, allpallatajmi. Q'uipa runaca jahua pachamantami, paica Mandaj Jesusmi.

2 Corintios 5:14

Shujllami tucuicunamanta huañurca, tucuicunami paipi huañurcacuna. Chaimantami Cristopaj c'uyaica ñucanchijtaca chaita huillachicun.

Santiago 2:1

Ñuca huauquicunalla, ñucanchij sumaj Mandaj Jesucristopi cancuna crishcaca, ñahuita ricushpalla alli ninapajca ama cachun.