Juan 21:25 - Dios Rimashca Shimicunami

²⁵ Jesús rurashcacunaca, ashtahuan tiyanrajmi. Chai tucuicunata quillcasha nijpica, cai pachapica librocunata maipi churanapajca mana pajtanmanchu yuyanimi. Chashna cachun.

Mushuj Testamento Diospaj Shimi

²⁵ Jesusca shujtaj achca allicunatami rurarca. Chai tucuita, callarishpa quillcasha nijpica, cai pachapica librocunata maipi churangapajca, mana pajtanmanchu yuyanimi. Chashna cachun.

Juan 21:25 Iomraidhean Croise

JOB 26:14

Cai rurashcacunaca callaricunallami. Paimantaca asha ashallatami uyanchij. C'ulun nichij paipaj jatun podertaca ¿pitaj alli yachai tucungari?” nircami.

SALMOS 40:5

Ñuca Mandaj Dioslla, mancharinacunata quiquin rurashcaca ashtahuan ashtahuanmari mirashca. Ñucanchijpaj allita rurana yuyaillami cangui. Can rurashca allicunaca mana yupai tucuipajmari. Can imalla allicunata rurashcata yupashpa huillasha nishpapish, mana tucuita yupashpa huillai tucunichu.

SALMOS 71:15

Ñuca shimica quiquin cashcata rurashcatami huillanga. Quiquin rurashcacuna mashna cashcatapish mana yachanichu. Shina cashpapish quishpichinapaj quiquin rurashcacunataca tucui punllami huillacushalla.

ECLESIASTÉS 12:12

Ñuca huahuacunalla, cai yuyaitami cancunamanca cuni: Librocunata ruranaca mana tucuringachu. Achcata yachanacunallapish shaicuchinmi.

AMÓS 7:10

Bet-el pueblopi causaj Amasías curaca, israelcunata jatun mandaj Jeroboammanca, cashna nishpami huillanaman cacharca: “Jatun mandajlla, Amosca cai llajtapi causajcunamanca canta p'iñashpami huillashpa puricun. Pai huillashcataca cai llajtapi causajcunaca, ña mana uyai tucuncunachu.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 19:24

Cutin cashnami nini: Shuj camellorajmi auja rinrintaca jahualla pasan. Dios mandacujpi shuj charij chaiman yaicunaca, chaitapish yalli sinchimari– nircami.

Marcos 5:16

Chai runamanta supaicunata llujshichishcatapish, supaicunaca cuchicunaman yaicujpi cuchicuna imalla tucushcatapish ricujcunami tucuita parlarcacuna.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

Hebreos 11:32

¿Imatataj ashtahuanca nishari? Gedeonmanta, Baracmanta, Sansonmanta, Jeftemanta, Davidmanta, Samuelmanta, profetacunamantapish rimangapajca manamari pajtarinichu.