Juan 21:22 - Dios Rimashca Shimicunami

²² Jesusca: –Ñuca munajpica, ñuca tigramungacama paica causacuchun canca ¿ima ninatataj charingui? Canca ñucata catilla– nirca.

Mushuj Testamento Diospaj Shimi

²² Shina nijpi, Jesusca: —Ñuca munajpica paica Ñuca tigramungacama causacuchunpish, canca, ¿imatataj nisha ningui? Canca Ñucata catilla— nircami.

Juan 21:22 Iomraidhean Croise

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 24:27

Ashtahuanpish Runa Aichayuj shamushpaca, inti llujshin ladomanta relampa achij nishpa inti huashicun ladoman achijyachij shinami shamunga.

Mateo 24:3

Olivocuna tiyan urcupi Jesús tiyacujpimi, yachacujcunaca: –Huillahuayari can huillacushcaca ¿ima punllataj chashna tucungari? Can cutin shamunapajpish, cai shina causai tucurinapajpish ¿ima ricunata ricushpataj tucui chaicuna pajtamucushcataca yachashun?– nishpami, paillata tapungapaj c'uchuyarcacuna.

Mateo 24:44

Runa Aichayujpish mana yuyashca horaspi shamuna cashcamanta, cancunapish allichirishca chaparaichij.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 8:22

Shina nijpi Jesusca: –Canca cunantaj ñucata catilla. Huañushcacunataca huañushcacunallataj pambacuchun saquilla– nircami.

Marcos 9:1

Jesusca cashnapishmi nirca: –Taita Dios tucuita rurai tucuj cashcahuan mandangapaj shamujta ricungacama, maijan caipi cajcunaca manaraj huañungacunachu. Chashnatajmi canga– nircami.

Juan 21:19

Chashna nishpaca, Pedro ima shina huañushpa Taita Diosta jatunyachina cashcata entendichunmi, chashna nirca. Chai q'uipaca: –Ñucata cati– nircami.

Juan 21:21

Chai yachacujta Pedro ricushpaca: –Mandaj Jesús, paica ¿imataj tucunga?– nijpi,

1 Corintios 11:26

Chaimanta cancunaca, mashna cutin cai tandata micushpaca, cai copamanta ubyashpaca, Mandaj Jesús huañushcatami pai shamungacama huillacunguichij.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

1 Tesalonicenses 2:19

Shina cajpica ¿imataj ñucanchij shuyanaca cushicunachu, mana cashpaca ñucata sumajyachij coronachu? Ñucanchijta Mandaj Jesucristo shamuipi, paipaj ñaupajpica cancunamari chaicunamanta yalli canguichij.

Santiago 5:7

Chaimanta huauquicuna, Mandaj Jesús shamungacama ama p'iñarishpalla shuyaichij. Chagraj runa ima shina shuyajta ricuichij. Paica allpamanta sumaj granota japingapajca mana p'iñarishpami, ñaupa tamya, q'uipa tamya p'ucuchijta shuyan.

Santiago 5:8

Mandaj Jesús shamunaca c'uchullapi cashcamanta, cancunapish sinchi crij tucushpa mana p'iñarishpa chai yuyailla shuyaichijlla.

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.

Apocalipsis 2:25

Shina cajpica cancuna ima shina caticushca shinallataj ñuca shamungacama caticuichijlla.

Apocalipsis 22:20

Cai tucuita huillajpish: “Ari, ñami shamugrini” ninmi. ¡Chashnataj cachun! ¡Shamuilla, Mandaj Jesús!

Apocalipsis 22:7

¡Riquichij ñallami shamusha! Imalla tucuna cashcata Dios huillachishcata cai libropi quillcashcata cazujca alli nishcami canga ninmi” nircami.

Apocalipsis 3:11

Ñami shamusha. Can japina coronata pi ama quichuchun, can imata charicushcataca alli charirai.