Juan 21:15 - Dios Rimashca Shimicunami

¹⁵ Micushca q'uipami Jesusca, Simón Pedrotaca: –Jonaspaj churi Simón, ¿canca ñucataca caicunata yallichu c'uyangui?– nijpi paica: –Ari Mandaj Jesús, ñuca canta c'uyashcataca quiquinllataj yachanguimi– nijpi Jesusca: –Ñuca bachujcunata cuidangui– nirca.

Mushuj Testamento Diospaj Shimi

¹⁵ Ña micushca qʼuipami Jesusca, Simón Pedrotaca: —Jonaspaj churi Simón, ¿canca caicuna cʼuyashcatapish yallichu cʼuyahuangui?— nishpa tapurca. Chashna nijpica: —Ari Apu, ñuca Canta cʼuyajtaca, Canllataj yachanguimi— nircami. Chashna nijpi: —Ñuca malta ovejacunaman caracungui— nircami.

Juan 21:15 Iomraidhean Croise

GÉNESIS 33:13

Jacobca, Esautaca: –Ñuca amitolla ñuca huahuacunapish uchillaraj cashcataca canllataj yachanguimi. Ovejacunapish, vacacunapish cunanlla huachashcatamari charini. Ovejacunaca shaicushpa shuj punllallapimari tucui huañunga.

2 SAMUEL 7:20

¿Davidca cantaca imatataj ashtahuan nishari? Mandaj Jatun Dios, cambajta ruraj ñucataca tucuitamari rijsingui.

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

JEREMÍAS 23:4

Paicunata ima ama manchachichun, shujllapish ama chingarichunca alli michijcunatami churasha. Ima manchai illajllami causangacuna” ninmi Mandaj Diosca.

JEREMÍAS 3:15

Chaipi cancunata michichunca, ñuca shungu munashca michijcunatami churasha. Paicunamari alli yachaihuan, alli yuyaihuan michingacuna” ninmi.

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

EZEQUIEL 46:24

Chaita ricuchishca q'uipaca cashnami nirca: “Tucuicuna, Diosman imalla cuna cashcata cushcataca, cai huasipi imatapish rurashpa causajcunami cai tullpapi yanungacuna” nircami.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Mateo 26:33

Pedroca: –Canta caticushcata saquishpa tucuicuna rijpipish, ñucatajca manataj saquishachu– nirca.

Mateo 26:35

Pedroca: –Canhuan huañuna cajpipish, ñucaca manataj chashna nishachu– nijpica, caishuj yachacujcunapish tucuicunami chashnallataj nircacuna.

Marcos 14:29

Pedroca: –Tucuicuna shitashpa rijpipish, ñucaca manataj saquishachu– nirca.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Lucas 22:32

Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Juan 1:42

Andresca paipaj huauqui Simontaca Jesuspajmanmi pushamurca. Jesusca Simonta ricushpaca: –Canca, Jonaspaj churi Simonmi cangui. Cunanca cantaca Cefastami shutichini– nircami. (Cefas nishcaca: “Pedro” nisha ninmi).

Juan 13:37

Chaimi Pedroca: –Mandaj Jesús ¿ima nishpataj cunanllatajca mana ri tucuni? ¡Ñucaca canmantaca huañuna cajpipish huañushallami!– nijpimi,

Juan 16:27

Ñucataca Taita Diospajmanta shamushcata crishpa, ñucata c'uyashcamantami cancunataca ñuca Yayallataj c'uyan.

Juan 21:12

Chai q'uipami Jesusca: –Shamuichij, micunguichij– nirca. Chaipica Mandaj Jesús cashcata yachashcamantami, yachacujcunaca: “¿Canca pitaj cangui?” nishpa maijan mana tapurcacuna.

Juan 21:7

Chaimantami Jesuspaj c'uyashca yachacujca, Pedromanca: –¡Paica Mandaj Jesusmari!– nirca. Simón Pedroca, Mandaj Jesusmari nijta uyashpaca, churanata llujshichishca cashpami churanata churarishcahuan yacuman shitarishpa Jesuspajman rirca.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 20:29

Ñuca rishca q'uipaca, cancunapaj chaupimanca millpuj atujcuna shina shamushpami, ovejacunataca urata janajta apangacuna.

Romanos 14:1

Crishcapi irquilla cajtaca chasquinguichijlla, ashtahuanpish ama caita chaita paihuan rimanacungapaj chasquinguichijchu.

Romanos 15:1

Sinchi crijcunaca, irqui crijcuna mana apai tucushcacunataca c'uyaihuanmi apana canchij. Mana ñucanchijpajlla alli canata yuyanachu canchij.

1 Corintios 8:11

Quiquin yachashcamanta chashna rurajpica, irqui huauquica chingaringami. Paimantapishmi Cristoca huañurca.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Efesios 4:14

Chashna cashpami, caita chaita apaj huaira shina panda yachachinataca, huahuacuna shina mana crishun. Chaicunaca, umangapaj alli yachajcuna cashpami, ima shinapish panda yachachinata allichincuna.

Efesios 6:24

Ñucanchijta Mandaj Jesucristota, mana chingarij c'uyaihuan tucui c'uyajcunamanca, mana c'uyaipajta c'uyaj canata cushca cachun. Chashna cachun.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

1 Pedro 2:2

Ashtahuanpish cunanlla huacharishca huahuacuna shina, imahuan mana chagrushca Diospajlla lecheta munaichij. Chashna cashpami quishpichishcapica huiñanguichij.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.

1 Juan 4:19

Ñucanchijca pairaj c'uyashcamantami, paitaca c'uyanchij.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.