Juan 20:9 - Dios Rimashca Shimicunami

⁹ Quillcachishcapi nishca shina: Huañushcacunapaj chaupimanta Jesús causarinataj cashcataca, manaraj entendircacunachu.

Mushuj Testamento Diospaj Shimi

⁹ Paicunaca, huañushcacunapaj chaupimanta Jesús causarinataj cashcata, Dios Quillcachishcapi nicushcataca manaraj entendircacunachu.

Juan 20:9 Iomraidhean Croise

SALMOS 16:10

Ñuca almataca Seolpica mana saquinguichu. Cambajlla caj ñuca aicha ismuchunpish mana saquinguichu.

SALMOS 22:15

Ñuca shimipish callana shinami chaquishca. Ñuca c'allupish palagrapimi llutarishca. Huañushpa allpa tucuchunmari saquigringui.

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

Mateo 22:29

Chaimi Jesusca: –Cancunaca Quillcachishcacunatapish mana yachashcamanta, Diosca tucuita rurai tucuj cashcatapish mana entendishcamantami pandaricunguichij.

Lucas 24:26

Cristoca sumaj llajtaman yaicushpa mandaj cangapajca ¿manachari llaquicunataraj apana nin?– nishpaca,

Lucas 9:45

Chaitaca paicunapaj yuyaicuna tapashca cashcamantami paicunaca imata nisha nishcata mana entendircacuna. Chai yachachishcacunaca ¿imatataj nisha nin? nishpa tapunatapish mancharcacunami.

Juan 2:22

Huañushcacunapaj chaupimanta causarijpimi paipaj yachacujcunaca, Jesús chashna nishcatapish, Taita Dios Quillcachishcatapish, Jesús rimashca Shimicunatapish yuyarishpa crircacuna.

Hechos 17:3

Taita Diospaj Shimi ima nicushcata paicunaman huillashpa: –Cristoca llaquita apashpa, huañushcacunapaj chaupimanta causarinatajmi carca. Cunan cancunaman huillacushca Jesusca paitajmari Quishpichij Cristoca– nishpami alli entendichirca.

Hechos 2:24

Chashna rurajpipish, Taita Diosmi paitaca llaqui nanai huañuimanta cacharichishpa causachirca. Chaimanta paitaca, huañuica mana imata ashtahuan rurai tucunchu.

1 Corintios 15:4

Quillcachishcacunapi nishca shinallatajmi pambashca carca, quimsa punllapica causarircami.