Juan 20:25 - Dios Rimashca Shimicunami

²⁵ Tomás chayamujpica caishuj yachacujcunaca: –Mandaj Jesustami ricurcanchij– nijpimi paica: –Paipaj maquicunapi clavocuna jutcushcata mana ricushpa, ñuca dedota clavocuna jutcushcapi mana satishpa, paipaj costillapi ñuca maqui dedota mana satishpaca, mana crishachu– nirca.

Mushuj Testamento Diospaj Shimi

²⁵ Chaimantami caishuj yachacujcunaca, paimanca: —Apunchij Jesustamari ricurcanchij— nishpa huillarcacuna. Chashna nijpimi, Tomasca: —Paipaj maquicunapi clavo jutcushcata, costillas quinri chugritami ricusha nini. Chaita mana ricushpa, chai chugricunapi, ñuca dedota mana churashpaca, manataj crishachu— nircami.

Juan 20:25 Iomraidhean Croise

JOB 9:16

Ñuca mañashcata uyashpa pai cutichijpipish, ñuca rimashcata uyashcataca manaraj crimanchu.

SALMOS 22:16

Allcucunami ñucataca muyunchishca. Mirga millai runacunami ñucataca muyunchishca. Ñuca maquicunatapish, ñuca chaquicunatapish chugrichincunami.

SALMOS 78:32

Chashna rurajpipish, cutin juchallircallacunami. Mancharinacunata Taita Dios rurashcataca yangapimi churarcacuna.

Mateo 27:42

“Shujtajcunataca quishpichircami, ashtahuanpish paillatajca manamari quishpiri tucunchu. Israelcunapaj jatun Mandaj cashpaca, cruzmanta cunanllataj uriyachun. Chaipitajca paita crishunmi.

Marcos 16:11

Jesús causarishcata María huillajpipish, Jesusca causacushca canata, María ricushca canatapish paicunaca mana crircacunachu.

Marcos 16:13

Paicuna tigrashpa yachacujcunaman huillajpipish mana crircacunachu.

Marcos 16:14

Chai q'uipaca paipaj yachacujcuna micucujpimi chunga shuj yachacujcunamantaj ricurirca. Chaipimi Jesusca: –Ñuca causarishcata ricujcuna huillajpipish rumi shungu cashpami mana crircanguichij– nishpami sinchita rimarca.

Lucas 24:25

Chaimi Jesusca: –¡Cancunaca ¿upacunachu canguichij? Profetacuna huillashcacunata crinamari cancunapajca sinchiraj cashca!

Juan 1:41

Andresca paipaj huauqui Simonhuanraj tupashpaca: –Mesiashuanmari tupashcanchij– nircami. (Mesías nishcaca: “Cristo” nisha ninmi).

Juan 20:27

Chaipimi Jesusca Tomastaca: –Cambaj dedota ñuca maqui chugripi churashpa ricui. Cambaj maquita chutashpa, ñuca costillas quinripi sati. Ama mana crij caichu, ashtahuanpish crij cairi– nijpimi,

Juan 21:7

Chaimantami Jesuspaj c'uyashca yachacujca, Pedromanca: –¡Paica Mandaj Jesusmari!– nirca. Simón Pedroca, Mandaj Jesusmari nijta uyashpaca, churanata llujshichishca cashpami churanata churarishcahuan yacuman shitarishpa Jesuspajman rirca.

Juan 6:30

Shina nijpica cashnami nircacuna: –Ñucanchij canta cringapajca ¿ima milagrota ruraiyari? Chaita ricushpa cringapaj.

Hebreos 3:12

Riquichij huauquicuna, cancunapurapica millai shungu tucushpa, mana crishpa, causaj Diosmanta anchurijcunaca amataj tiyachun.

Hebreos 3:18

¿Picunatataj ñucahuan samarinamanca manataj yaicungacunachu nirca? Paita mana cazujcunatami chashna nishca carca.