Juan 20:20 - Dios Rimashca Shimicunami

²⁰ Chashna nishpaca paipaj maquicunata, costillatapishmi ricuchirca. Yachacujcuna Mandaj Jesusta ricushpaca, yallitajmi cushicurcacuna.

Mushuj Testamento Diospaj Shimi

²⁰ Chashna nishpa Paipaj maquicunatapish, costillas quinritapish ricuchijpimi, yachacujcunaca, Apunchij Jesusta ricushpa, yallitaj cushicurcacuna.

Juan 20:20 Iomraidhean Croise

Mateo 28:8

Chai huarmicunaca, jutcumanta llujshishpaca manchaihuan cashpapish, achcata cushicushpami, paipaj yachacujcunaman huillangapaj callpashpa rircacuna.

Juan 16:20

Cashnatajmi tucunga: Cancunaca huacanguichijmi, achcatami llaquiringuichij. Ashtahuanpish cai pachapaj cajcunaca cushicungacunami. Chashna llaquilla cajpipish, cancunapaj llaquica cushicuimanmi tigranga.

Juan 16:22

Chashnallatajmi cancunapish, cunanca llaquilla canguichij. Cutin ñuca ricuj shamujpimi, cancunaca cushicunguichij. Chai cushicuitaca, cancunamantaca pi manataj quichungachu.

Juan 19:34

Shuj soldadollami paitaca costilla quinripi lanzahuan satijpi yahuarndij, yacundij llujshirca.

Juan 20:25

Tomás chayamujpica caishuj yachacujcunaca: –Mandaj Jesustami ricurcanchij– nijpimi paica: –Paipaj maquicunapi clavocuna jutcushcata mana ricushpa, ñuca dedota clavocuna jutcushcapi mana satishpa, paipaj costillapi ñuca maqui dedota mana satishpaca, mana crishachu– nirca.

Juan 20:27

Chaipimi Jesusca Tomastaca: –Cambaj dedota ñuca maqui chugripi churashpa ricui. Cambaj maquita chutashpa, ñuca costillas quinripi sati. Ama mana crij caichu, ashtahuanpish crij cairi– nijpimi,

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.