Juan 20:19 - Dios Rimashca Shimicunami

¹⁹ Chai punllallataj semana callari ña tutayacujpimi, yachacujcunaca judiocunata manchashcamanta pungucunata huichcashpa tandanacushpa tiyacurcacuna. Chaipimi Jesusca paicunapaj chaupipi shayarishpaca: –¡Sumaj causai cancunahuan cachun!– nirca.

Mushuj Testamento Diospaj Shimi

¹⁹ Semana callari domingo punlla ña tutayacuitaca, yachacujcunaca judiocunata manchashpami, tandanacushpa, pungucunata alli huichcarishpa tiyacurcacuna. Chashna tiyacujpi Jesús shamushpa, paicunapaj chaupipi shayarishpaca: —¡Ama manchaichijchu!— nircami.

Juan 20:19 Iomraidhean Croise

SALMOS 122:8

Ñuca huauquicunata, ñucahuan purijcunata c'uyashcamantami ñucaca: “Sumaj causai canhuan cashca cachun” nini.

Mateo 10:13

Sumaj causai cancunahuan cachun nishcata chasquinalla cashpa huasiyuj alli chasquijpica, chashna nishcaca paicunahuanmi saquiringa. Ashtahuanpish chasquinapaj mana cashpa mana chasquijpica cancunapajllamantajmi tigranga.

Mateo 18:20

Ishquillapish, quimsallapish ñuca shutipi tandanacujpica, ñucapish chaipimi paicunapaj chaupipi cani– nircami.

Marcos 16:14

Chai q'uipaca paipaj yachacujcuna micucujpimi chunga shuj yachacujcunamantaj ricurirca. Chaipimi Jesusca: –Ñuca causarishcata ricujcuna huillajpipish rumi shungu cashpami mana crircanguichij– nishpami sinchita rimarca.

Juan 14:27

Cancunamanca ñuca sumaj causaitami cuni, sumajta causachunmi chaitaca saquini. Cai pachapaj cajcuna cushca shinaca mana cunichu. Chaimanta cancunapaj shungupica ama musparinguichijchu, ama mancharinguichijchu.

Juan 16:22

Chashnallatajmi cancunapish, cunanca llaquilla canguichij. Cutin ñuca ricuj shamujpimi, cancunaca cushicunguichij. Chai cushicuitaca, cancunamantaca pi manataj quichungachu.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 20:21

Jesusca cutinllatajmi paicunataca: –¡Sumaj causai cancunahuan cachun! Ima shinami Yaya ñucata cacharca, chashnallatajmi ñucapish cancunataca cachani– nircami.

Juan 20:26

Pusaj punlla q'uipami, cutin chai yachacujcunaca, Tomasndij huasi pungucunata huichcarishca tiyacurcacuna. Jesusca pungucuna huichcashca cajllapitaj yaicushpa paicunapaj chaupipi shayarishpaca: –¡Sumaj causai cancunahuan cachun!– nirca.

Juan 21:1

Chai q'uipaca Tiberias cucha c'uchupimi, Jesusca cutin paipaj yachacujcunaman ricurirca. Chaipica cashnami tucurca:

Juan 21:14

Huañushcacunapaj chaupimanta causarishca q'uipaca, caihuanca quimsa cutinmi Jesusca paipaj yachacujcunaman ricurirca.

Juan 7:13

Judiocunata manchashcamantami, tucuicunapaj ñaupajpica Jesusmantaca pi mana parlanacui tucurcacuna.

Hechos 1:3

Paicunamanmi Jesusca huañushca q'uipaca chuscu chunga punllacama pai causaj cashcata alli yachachun cutin cutin ricurirca. Chaipica Taita Dios mandacujpica ima shina cana cashcatami yachachirca.

Romanos 15:33

Sumaj causaita cuj Dios tucui cancunahuan cachun. Chashna cachun.

1 Corintios 15:5

Causarishpaca Cefasmanrajmi ricurirca, chai q'uipaca chunga ishquicunamanmi ricurirca.

Efesios 2:14

Cristomi ñucanchijpaj sumaj causai. Judiocunahuan, mana judiocunahuan ch'icanchij patata urmachishpami, paica shujllata rurarca.

Efesios 6:23

Dios Yayapaj, Mandaj Jesucristopaj sumaj causaipish, c'uyaj canapish, alli crij canapish huauquicunahuan cashca cachun.

Filipenses 1:2

Dios ñucanchij Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

2 Tesalonicenses 3:16

Sumaj causaita cuj Mandaj Jesusllataj cancunamanca, tucuipi sumaj causaita cushpa caticuchunlla. Mandaj Jesusca tucui cancunahuan cachun.

Hebreos 7:2

Abrahamca macanacushpa tucui japishcacunamantaca chungamanta shujtami Melquisedecmanca cushca. Melquisedec nishpaca puntaca: “Cashcata ruraj Jatun Mandaj” nisha ninmi. Shinallataj: “Salem llajtata Jatun Mandaj” nishcapish, “Sumaj causaiyuj Jatun Mandaj” nisha ninmi.

3 Juan 1:14

Chaipaj randica, ñahui ñahui parlanacungapajmi, utca ricunata shuyacuni.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.