Juan 20:17 - Dios Rimashca Shimicunami

¹⁷ Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Mushuj Testamento Diospaj Shimi

¹⁷ Shina nijpi, Jesusca: —Amaraj Ñucapi japirichu. Ñuca Yayapajman manaraj huichiyanichu. Ashtahuanpish Ñuca huauquicunapajman rishpa: “ ‘Ñuca Yayapajman, cancunapaj Yayapajman, Ñuca Diospajman, cancunapaj Diospajman huichiyanimi’ ninmi” nishpa huillagri— nircami.

Juan 20:17 Iomraidhean Croise

2 REYES 4:29

Shina nijpi Eliseoca, Giezi runataca: –Chumbillirishpa, ñuca taunata japishpa chai huarmipaj huasiman ri. Ñanpi pi tupajpipish ama allillachu cangui ningui. Pi canta allillachu cangui nijpipish, upalla ringui. Ña chayashpaca huambrapaj ñahui jahuapi ñuca taunata churangui– nirca.

2 REYES 7:9

Chai q'uipaca caishuj chaishujmi cashna ninacurcacuna: –Mana allitamari ruracunchij. Cunanca alli huillaita huillana punllapimari ñucanchijca upalla saquiricunchij. Pacaringacama mana huillagrishpaca, ñucanchijllatajmari llaqui tucushun. Chaipaj randica, cunantaj puebloman yaicushpa cai alli huillaitaca jatun mandajpaj huasipi huillashunchij– ninacurcacunami.

SALMOS 22:22

Ñuca huauquicunaman quiquinpaj shutita huillashami. Tandanacushcacunapaj chaupipi quiquinta alabashami.

SALMOS 43:4

Taita Diospaj altarmanmi c'uchuyasha. Ñuca llaquita anchuchij, ñucata cushichij Taita Diospajmanmi c'uchuyasha. Taita Dioslla, ñuca Dioslla arpapi tocashpami quiquintaca alabasha.

SALMOS 48:14

Taita Diosca, ñucanchij Taita Diosmi. Huiñaimanta huiñaicama caj Diosmi. Huañushca q'uipapish paillatajmi huiñaicama pushacungalla.

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

SALMOS 89:26

Paica ñucataca: “Quiquinmi ñuca Yaya cangui, ñuca Taita Diosmi cangui. Ñucata quishpichij jatun rumimi cangui” nishpami caparinga.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:38

Paicunaca ñucapajlla runacunami canga, ñucapish paicunapaj Diosmi casha.

EZEQUIEL 36:28

Cancunapaj ñaupa yayacunaman cushca llajtapimi causanguichij. Cancunaca ñuca agllashcacunami canguichij, ñucapish cancunapaj Diosmi casha.

EZEQUIEL 37:27

Ñucapajlla carpa huasipish paicunapaj chaupipimi canga. Ñucaca paicunapaj Taita Diosmi casha, paicunaca ñuca agllashcacunami canga.

Mateo 12:50

Maijanpish jahua pachapi caj ñuca Yayapaj munaita rurajcunami ñuca huauqui, ñuca pani, ñuca mamaca– nircami.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 28:7

Paica, huañushcacunapaj chaupimanta causarishcami nishpa paipaj yachacujcunaman huillagrichij. Cancunapaj ñaupa, Galileaman chayangapajmi paica ña rin. Chaipimi paitaca ricunguichij. Caitaca cancunaman huillanimi” nircami.

Marcos 12:26

Zarza yura rupacunmanta Taita Dios rimashcata Moisés quillcashcataca ¿manachu rezashcanguichij? Taita Diosca chai yuramantami: “Ñucaca Abrahampaj Taita Dios, Isaacpaj Taita Dios, Jacobpaj Taita Diosmi cani” nishpa huillarca. Chashna nishpaca paica huañushcacuna causarina cashcatami Moisesmanca huillashca.

Marcos 16:19

Shinallataj Mandaj Jesús tucuita rimajpica, paitaca jahua pachamanmi aparca. Chaipica, Taita Diospaj alli ladopimi tiyarirca.

Lucas 10:4

Cullqui muchilata, cucayu muchilata, pargatetapish ama apashpa ringuichijchu. Ñanpi allillachu cangui nishpaca, ama uniyanguichijchu.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 14:2

Ñuca Yayapaj huasipica, causanaca achcami tiyan. Mana tiyajpica cancunaman huillaimanmi carcani. Cunanca cancuna causanata allichingapajmi rigrini.

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 20:27

Chaipimi Jesusca Tomastaca: –Cambaj dedota ñuca maqui chugripi churashpa ricui. Cambaj maquita chutashpa, ñuca costillas quinripi sati. Ama mana crij caichu, ashtahuanpish crij cairi– nijpimi,

Juan 7:33

Chaipimi Jesusca: –Ashacamallami cancunahuan cani. Chaimantaca ñucata cachajpajman tigrashpa rishallami.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Juan 3:2

C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.