Juan 20:16 - Dios Rimashca Shimicunami

¹⁶ Chaimi Jesusca: –¡María!– nijpi, pai tigrarishpaca: –¡Raboni!– nirca. (Raboni nishcaca: “Yachachij” nisha ninmi).

Mushuj Testamento Diospaj Shimi

¹⁶ Chashna nijpi, Jesusca: —¡María!— nijpi, pai tigrarishpaca: —¡Raboni!— nirca. (Raboni nishcaca: “Yachachij” nisha ninmi).

Juan 20:16 Iomraidhean Croise

GÉNESIS 22:1

Tucui chaicuna q'uipami Taita Diosca Abrahamtaca pai ima shina crij cashcata ricungapaj: –Abraham– nishpa cayajpi paica: –Caipimi cani– nirca.

GÉNESIS 22:11

Mandaj Diospaj angelca jahua pachamanta: –¡Abraham! ¡Abraham!– nijpi paica: –Caipimi cani– nirca.

GÉNESIS 45:12

Cunanca cancunapish ñuca huauqui Benjaminpish, cancunapaj ñahuihuantajmi ñucata ricunguichij. Ñuca ima nishcatapish cancunatajmi uyanguichij.

ÉXODO 3:4

Moisés ricunaman c'uchuyacujpica Mandaj Diosca zarza yura chaupimantami: –¡Moisés, Moisés!– nijpi paica: –Caipimi cani– nirca.

ÉXODO 33:17

Shina nijpi Mandaj Diosca Moisestaca: –Canca ñuca ñahuipi alli ricurishcamanta, cambaj shutitapish ima shina cajta rijsishcamantaca can nishcataca rurashami– nirca.

CANTARES 3:4

Paicunamanta ashata caruyashpaca, ñapish ñuca c'uyashcahuanmi tupanacurcani. Paihuan tupashpaca manataj cacharircanichu. Ashtahuanpish paitaca ñucata huachaj mamapaj huasiman pushashpami, chaiman yaicuchircani.

CANTARES 5:2

Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Marcos 10:51

Jesusca: –¿Imatataj rurachun ningui?– nishpa tapujpi, mana ricujca: –Yachachij, ñuca ñahuicunata alliyachihuai– nirca.

Lucas 10:41

Chaimi Jesusca cashna nirca: –Marta, Marta, canca caitapish chaitapish rurasha nishpamari musparicungui.

Juan 1:38

Paicuna caticujta Jesús tigrarishpa ricushpaca: –¿Imatataj mashcacunguichij?– nijpi, paicunaca: –Rabí, ¿maipitaj causangui?– nircacuna. (Rabí nishcaca: “Yachachij” nisha ninmi).

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 10:3

Chai michijmanmi punguta cuidajca, punguta pascashpa ricuchin. Ovejacunaca michijpaj rimaitami uyan. Michijca paipaj ovejacunataca, shutipi cayashpami llujshichin.

Juan 11:28

Chashna nishca q'uipami Martaca paipaj ñaña Mariapajman rishpaca: –Yachachijca caipimi, cantami cayacun– nishpa allijlla huillarca.

Juan 13:13

Cancuna ñucataca Yachachij nishpapish, Mandaj nishpapish allitamari ninguichij, chaillatajmari cani.

Juan 20:28

Tomasca: –¡Ñucata Mandaj, ñuca Taita Dioslla!– nirca.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 5:2

Jerusalenpica, Ovejacunata yaicuchina pungu c'uchupimi, shuj cucha tiyan. Chai cuchaca, hebreo rimaipica, Betesda shutimi. Chai cucha c'uchupica pichca corredorcunami tiyan.

Juan 6:25

Cuchata ch'imbashpa Jesushuan tupashpaca: –Rabí, ¿ima horataj caimanca chayamurcangui?– nishpa tapujpimi,

Hechos 10:3

Shuj punlla chaupi chishi shinatami, muscuipi shina Taita Diospaj ángel pai maipi canman yaicujta ricurca. Chai angelca: –¡Cornelio!– nijpimi

Hechos 9:4

Chaipi Saulo pambaman urmashpaca: –Saulo, Saulo, ¿ima nishpataj ñucataca p'iñashpa llaquichina yuyailla llaquichicungui?– nijta uyashpami,

1 SAMUEL 3:10

Mandaj Dios shamushpa shayarishpaca ñaupaman shinallatajmi: –¡Samuel! ¡Samuel!– nishpa cayajpi Samuelca: –Cambajta ruraj ñucaca uyacunimi. Imata cashpapish nihuailla– nirca.

1 SAMUEL 3:6

Mandaj Diosca cutinllataj Samuel nishpa cayajpimi, Samuelca jatarishcahuan Elí maipi cashcaman rishpaca: –Caipimi cani. ¿Imapajchari cayarcangui?– nijpi Elica: –Ñuca huahualla, ñucaca mana cayashcanichu, cutinllataj siririgrilla– nirca.