Juan 2:4 - Dios Rimashca Shimicunami

⁴ Jesusca: –Mama, ¿ima nishpataj chashnaca ningui? Ñuca ruranata callarina horasca manaraj chayamushcachu– nirca.

Mushuj Testamento Diospaj Shimi

⁴ Shina nijpi Jesusca: —¿Ñucaca imatataj rurashapish, mama? ¿Manarajmari ñuca imata rurana horas chayamushcachu?— nircami.

Juan 2:4 Iomraidhean Croise

2 SAMUEL 16:10

Jatun mandajca: –Sarviapaj churicuna, cancunaca mana chashna rurai tucunguichijchu. Mandaj Diosllataj Davidtaca llaqui tucushca canman nigri nijpi, llaqui tucushca canman nicungallatajmari. Chashna cajpica ¿pitaj paitaca imapajtaj chashna nicungui ni tucungari?– nircami.

2 SAMUEL 19:22

Shina nijpi, Davidca: –Sarviapaj churicuna, cancuna ñucata p'iñajcuna tucuchunca cancunapajca ¿ima mana allitataj rurashcaniyari? Manachari ñucaca tucui israelcunata jatun mandaj cani. Chashna cajpica israelcunaca maijanpish mana huañungachu– nircami.

1 REYES 17:18

Chaimi chai huarmica Eliastaca: –Diospaj runa, ¿ñuca canta imata rurashca cajpitaj llaquichingui? Ñuca juchacunata ñucaman yuyachishpa, ñuca churita huañuchingapajllamari shamushcangui– nircami.

ECLESIASTÉS 3:1

Cai pachapica, tucui imapish chashnataj tucuna chayamujpimi, imapish tucun. Imapajpish shuj punllami chayamun.

Mateo 15:28

Shina nijpi Jesusca: –¡Huarmi, can crishcaca tucuita yalli jatunmi. Can ima shina munashca shina rurarichunlla!– nircami. Jesús chashna nincami paipaj ushushica alliyashcalla carca.

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

Lucas 2:49

Chaimi Jesusca: –¿Ima nishpataj ñucataca mashcarcanguichigari? Ñuca Yayapaj huasipi imalla rurana cashcapaj cana cashcataca ¿manachu yacharcanguichij?– nirca.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 2:3

Chai cazamiento bodapica vinomi tucurishca carca. Chaimi Jesuspaj mamaca: –Vinoca ñami tucurin– nijpi,

Juan 20:13

Chai angelcunaca: –Huarmi ¿imamantataj huacacungui?– nijpi, chai huarmica: –Ñuca Mandaj Jesustamari apashcacuna. Paita maipi churashcatamari mana yachani– nirca.

Juan 20:15

Jesusca: –Huarmi ¿imamantataj huacacungui? ¿Pitataj mashcacungui?– nijpimi, huertata allichijmi yuyashpa chai huarmica: –Mandaj Jesusta, can apashca cashpaca, maipi churashcata huillahuai, ñuca apangapaj– nirca.

Juan 7:30

Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Juan 7:6

Chaimi Jesusca: –Ñuca rina punllaca manaraj chayamunchu. Ashtahuanpish cancunapajca ima horaspish rinallamari.

Juan 7:8

Cancunaca chai fiestamanca richijlla. Ñuca rinaca manaraj chayamujpimi, chai fiestamanca ñucaca manaraj rini– nircami.

Juan 8:20

Jesusca, Taita Diospaj huasipi yachachicushpami, ofrendata cushpa churana c'uchupi cashpa chashnaca nirca. Chaipica paita japina horas manaraj pajtajpimi, mana pi japircacuna.

2 Corintios 5:16

Cunanca ñucanchijca pita mana ñaupa causaipi yuyashca shinaca yuyanchijchu, Cristotapish ñaupamanca aicha yuyashca shina yuyashca cashpapish cunanca mana chashna yuyanchijchu.

DEUTERONOMIO 33:9

Paimi paipaj yaya mamataca: 'Mana ricushcanichu' nirca. Paipaj huauquicunataca: 'Mana rijsinichu' nircami. Paipaj huahuacunatapish: 'Pipishchari' nircami. Paicunami cambaj shimicunata cazuncuna. Paicunami canhuan ari ninacushcata pajtachincuna.