Juan 2:24 - Dios Rimashca Shimicunami

²⁴ Crinchijmi nijpipish paicunapaj shungu ima shina cashcata yachashcamantami Jesusca paicunahuanca mana apanacurca.

Mushuj Testamento Diospaj Shimi

²⁴ Ashtahuanpish Jesusca, paicunapaj yuyaita yachashcamantami, paicunapica mana shunguta churarca.

Juan 2:24 Iomraidhean Croise

1 REYES 8:39

Paicuna mañashcata jahua pacha can causacunmanta uyashpa paicunata perdonashpaca paicunapaj shungu ima shina cajta can yachashca shinallataj paicuna ima shina rurashca shinallatajmi tucuicunaman cungui. (Tucui runacunapaj shungutaca canllamari yachangui).

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

JEREMÍAS 17:9

Runapaj shunguca tucui imatapish yalli, umajlla millai shungumi. Chaitaca pi mana yachai tucunchu.

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Marcos 2:8

Jesusca paicunapaj shungullapi chashna yuyacujta yachashpami: –¿Ima nishpataj cancunapaj shungupica millaita yuyacunguichij?

Juan 1:42

Andresca paipaj huauqui Simontaca Jesuspajmanmi pushamurca. Jesusca Simonta ricushpaca: –Canca, Jonaspaj churi Simonmi cangui. Cunanca cantaca Cefastami shutichini– nircami. (Cefas nishcaca: “Pedro” nisha ninmi).

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 4:16

Chaimi Jesusca: –Ri, cambaj cusata cayamugri– nijpi,

Juan 5:42

Cancunataca allimi rijsini. Taita Diospaj c'uyaitaca mana charinguichijchu.

Juan 6:15

Ashtahuanpish paitaca, jatun Mandajta rurangapaj huaicashpa shamushun ninacujtami Jesusca yacharca. Chaimantami pailla cutin jahua urcuman rirca.

Juan 6:64

Chashna huillajpipish cancunamanta maijancunaca manaraj cringuichijchu– nircami. (Jesusca callarimantami maijanlla mana crij cashcata, pi paita japichina cashcatapish yacharca).

Hechos 1:24

Chaimi cashna nishpa, Taita Diosta mañarcacuna: “Jatun Dios canca, tucuicunapaj shungutami rijsingui. Cunan cai ishquimanta maijanta can agllashcata ñucanchijman ricuchihuai.

Hechos 15:8

Tucuicunapaj shunguta rijsij Taita Diosca mana judiocunatapish chasquishcata ricuchingapajmi, paicunamanpish ñucanchijman shinallataj jucha illaj Espirituta curca.

DEUTERONOMIO 31:21

Paicunapajman jatun llaquicuna, llaquichijcuna shamujpica paicuna cantajpimi chai cantoca paicuna ima shina cashcamanta chashna cashcata ricuchinga. Paicunapaj huahua huahuacuna cantajpipish chashnallatajmi yuyachinga. Ñuca paicunaman cushatajmi nishca allpaman manaraj ñuca chayachishpa, paicuna chaipi cashpa ima shina yuyana cashcataca ñaupamanmi ñucaca ña yachani” nircami.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

1 SAMUEL 16:7

Chaimi Mandaj Diosca Samueltaca: “Pai sumaj cashcallata, jatun runa cashcallataca ama ricuichu. Chashnacunataca ñucaca yanganchinimi. Mandaj Diosca runacuna ricuj shinallaca mana ricunchu. Runaca paipaj ñahuipi ricurishcallatami ricun. Ashtahuanpish Mandaj Diosca shungutamari ricun” nirca.