Juan 2:2 - Dios Rimashca Shimicunami

² Jesuspish, paipaj yachacujcunapish cayashca cashpami chaiman rircacuna.

Mushuj Testamento Diospaj Shimi

² Jesustapish, Paipaj yachacujcunatapish cayajpimi rircacuna.

Juan 2:2 Iomraidhean Croise

Mateo 12:19

Paica mana p'iñanacungachu, caparirishcapish mana uyaringachu. Ñancunapi jatunta rimaricushcallatapish pi mana uyangachu.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 25:45

Chaimi paicunataca: “Tucuimanta yalli cai uchillacunapaj ima allita mana rurashpaca, ñucapajmari mana rurarcanguichij” ninga. Chashnatajmi canga.

Juan 2:12

Chai q'uipami Jesusca, paipaj mamandij, huauquicunandij, yachacujcunandij, Capernaumman rishpa, asha punllacunata chaipi saquirircacuna.

Juan 2:17

Chaita ricushpami paipaj yachacujcunaca: “Cambaj huasita llaquishcamanta huañucunimi” nishpa quillcashca tiyashcata yuyarircacuna.

Juan 2:22

Huañushcacunapaj chaupimanta causarijpimi paipaj yachacujcunaca, Jesús chashna nishcatapish, Taita Dios Quillcachishcatapish, Jesús rimashca Shimicunatapish yuyarishpa crircacuna.

Juan 2:3

Chai cazamiento bodapica vinomi tucurishca carca. Chaimi Jesuspaj mamaca: –Vinoca ñami tucurin– nijpi,

Juan 3:22

Chai q'uipami Jesusca, paipaj yachacujcunandij Judea llajtaman shamurca. Paicunahuan chaipi cashpami bautizarca.

Juan 4:2

(Jesusca mana bautizarcachu, paipaj yachacujcunami bautizarca).

Juan 4:33

yachacujcunaca caishuj chaishuj: –¿Pishi caraj shamurca?– ninacurcacuna.

Juan 4:8

(Paipaj yachacujcunaca, Sicar pueblopi micunata randinamanmi rishcacuna carca).

Juan 6:12

Ña mana nijta micujpimi, paipaj yachacujcunataca: –Ama ima chingarichun, puchushcacunataca tandachichij– nirca.

Juan 6:16

Ña tutayamucujpimi, paipaj yachacujcunaca cuchaman uriyamushpaca,

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 6:66

Chai punllamantami paipaj yachacujcunaca achcacuna huashaman tigrashpa, ña mana paihuan purircacuna.

Juan 6:67

Chaimi Jesusca, chunga ishqui yachacujcunataca: –¿Cancunapishchu ñucata shitashpa rishun ninguichij?– nijpi,

Juan 6:70

Chaimi Jesusca: –Ñucaca cancunataca, chunga ishquitamari agllarcani. Ashtahuanpish cancunamanta shujca diablomari– nirca.

Juan 6:71

Simonpaj churi Judas Iscariotetami chashnaca nirca. Paimi Jesustaca japichina carca. Paica chunga ishqui yachacujcunamanta shujmi carca.

Juan 6:8

Yachacujcunapuramanta Simón Pedropaj huauqui Andresmi cashna nirca:

Juan 7:3

Chaimi Jesuspaj huauquicunaca: –Caimanta llujshishpa Judeaman ri. Canta catijcunapish can imalla rurashcacunata ricuchun.

Hechos 11:26

Chaipica huata jundatami achcacunata yachachishpa tandanacushca crijcunahuan causarcacuna. Jesusta catijcunataca chai Antioquiapimi caicunaca Cristota catijcunami ninata callarircacuna.

Hechos 11:29

Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

1 Corintios 7:39

Cazarashca huarmica mandashcapi nishca shinaca, cusa causacujpirajca huatashcami. Ashtahuanpish cusa huañujpica, ña mana huatashca cashcamanta maijanhuanpish cazarai tucunmi. Ashtahuanca Mandaj Jesuspi cajlla cachun.

Colosenses 3:17

Tucui imata rimashpapish, rurashpapish Mandaj Jesuspaj shutipi tucuita ruraichij. Paillamantataj Dios Yayataca pagui nichij.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.