Juan 2:16 - Dios Rimashca Shimicunami

¹⁶ Palomacunata c'atujcunataca: –¡Caicunata caimanta anchuchichij! ¡Ñuca Yayapaj huasitaca ama c'atuna, randina huasita ruraichijchu!– nircami.

Mushuj Testamento Diospaj Shimi

¹⁶ Palomacunata cʼatujcunataca, Jesusca: —¡Caicunata caimanta anchuchichij! ¡Ñuca Yayapaj huasitaca, cʼatuna randina ucutaca ama ruraichijchu!— nircami.

Juan 2:16 Iomraidhean Croise

JEREMÍAS 7:11

¿Ñucata mañana cai huasica cancunapaj ricuipica, shuhuacuna causana jutcuchu imatagari? Ñucaca cancuna imallata ruracujtaca ricucunimi. Mandaj Diostajmi chashna nini.

Mateo 21:12

Diospaj huasiman Jesús yaicushpaca, c'atucujcunata, randicujcunatapish tucuicunatami llujshichishpa cacharca. Cullquita cambiajcunapaj mezacunatapish, palomacunata c'atujcuna tiyarinacunatapish t'angashpa pambaman shitashpaca,

Mateo 21:13

Jesusca: “Dios Quillcachishcapica: “Ñuca huasica, ñucata mañana huasimi canga” ninmi. Ashtahuanpish cancunaca shuhuacunapaj jutcutamari rurashcanguichij” nircami.

Mateo 22:5

Ashtahuanpish chai cayashcacunaca, mana uyashpami: Shujca paipaj chagra ruraiman, caishujca paipaj c'atunaman rirca.

Marcos 11:17

Chaipica cashna nishpami yachachirca: –Taita Dios Quillcachishcapica: “Ñuca huasica, tucui llajtapi causajcuna tandanacushpa ñucata mañana huasimi canga” ninmi. Ashtahuanpish cancunaca, shuhuacunapaj jutcutamari rurashcanguichij– nircami.

Lucas 2:49

Chaimi Jesusca: –¿Ima nishpataj ñucataca mashcarcanguichigari? Ñuca Yayapaj huasipi imalla rurana cashcapaj cana cashcataca ¿manachu yacharcanguichij?– nirca.

Juan 10:29

Paicunata ñucaman cuj ñuca Yayaca tucuita rurai tucujmi. Ñuca Yayapaj maquimantaca, pi mana quichui tucunchu.

Juan 2:15

Taita Diospaj huasi ucupi chaita ricushpaca, huascata azotinata rurashpami azotishpa tucuicunata ovejacunandij, huagracunandij canllaman llujshichirca. Cullquita cambiajcunapaj mizacunatapish t'angashpa shitashpami, tucui paicunapaj cullquitapish pambaman tsirapashpa shitarca.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Juan 5:17

Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Juan 8:49

Chaimi Jesusca: –Ñucaca mana supai japishcachu cani. Ñuca Yayatamari cazucuni. Cancunaca ñucatamari yanganchinguichij.

1 Timoteo 6:5

Yuyai ismushca runacunaca, ch'ahuanyashca rimanacucujllacunami. Mana llullamantapish carupimi. Taita Diosta crinapish, cullquita japinapajlla cashcatami yuyancuna. Canca chashnacunamanta anchuri.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.