Juan 2:14 - Dios Rimashca Shimicunami

¹⁴ Taita Diospaj huasiman Jesús yaicushpaca huagracunata, ovejacunata, palomacunata c'atucujta, cullquita cambiacujcunapish chaipi cajtami japirca.

Mushuj Testamento Diospaj Shimi

¹⁴ Diospaj huasiman yaicushpaca, huagracunata, ovejacunata, palomacunata cʼatucujcunatapish, cullquita cambiashpa tiyacujcunatapishmi japirca.

Juan 2:14 Iomraidhean Croise

EZEQUIEL 36:38

Jatun fiesta punllacunapi Jerusalenman apamushca ñucapajlla ovejacuna shinami, israelcunaca shitashca pueblocunapica jundanga. Chaita ricushpami ñucataca, Mandaj Diostaj cashcataca yachangacuna ninmi ni” nircami.

Marcos 11:15

Chai q'uipaca Jerusalenmanmi shamurcacuna. Taita Diospaj huasiman Jesús yaicushpaca, c'atucujcunata, randicujcunatapish tucuicunatami llujshichishpa cacharca. Cullquita cambiayajcunapaj mezacunatapish, palomacunata c'atujcuna tiyarinacunatapish t'angashpami pambaman shitarca.

Marcos 11:17

Chaipica cashna nishpami yachachirca: –Taita Dios Quillcachishcapica: “Ñuca huasica, tucui llajtapi causajcuna tandanacushpa ñucata mañana huasimi canga” ninmi. Ashtahuanpish cancunaca, shuhuacunapaj jutcutamari rurashcanguichij– nircami.

Juan 2:15

Taita Diospaj huasi ucupi chaita ricushpaca, huascata azotinata rurashpami azotishpa tucuicunata ovejacunandij, huagracunandij canllaman llujshichirca. Cullquita cambiajcunapaj mizacunatapish t'angashpa shitashpami, tucui paicunapaj cullquitapish pambaman tsirapashpa shitarca.