Juan 2:11 - Dios Rimashca Shimicunami

¹¹ Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Mushuj Testamento Diospaj Shimi

¹¹ Jesusca Galileapi caj Caná pueblopimi, chashna señalta rurai callarishpa, Pai tucuita rurai tucushcata ricuchirca. Chaimantami Paipaj yachacujcunaca crircacuna.

Juan 2:11 Iomraidhean Croise

1 REYES 17:24

Chaimi chai huarmica Eliastaca: –Cunantajca cantaca, Diospaj runataj cashcata yachanimi. Cantaca Mandaj Diostajmi rimachicun– nircami.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

SALMOS 96:3

Pai sumaj cashcataca, tucui llajtacunapi huillaichigari. Mancharinacunata ruraj cashcataca tucuicunaman huillaichigari.

ÉXODO 14:31

Mandaj Dios chai Egipto llajta soldadocunata jatun mancharinata rurajta ricushpami, israelcunaca Mandaj Diostaca mancharcacuna. Mandaj Diospipish, paipajta ruraj Moisespipishmi shunguta churarcacuna.

ÉXODO 4:9

Cai ishqui señalcunata ricushpapish mana crijpi, can rimashcatapish mana uyajpica, jatun yacumanta yacuta japishpa allpapi tallingui. Chai yacuca allpapica yahuarmi tucunga– nircami.

ECLESIASTÉS 9:7

Can imallata rurashcamantaca Diosca cushicushcamari. Cushicushpa cambaj micunata micuilla, cushi shunguhuan cambaj vinota ubyailla.

ISAÍAS 40:5

Chaipimi Mandaj Dios sumaj achij nicuj cashcaca ricuringa. Chaitaca tucui gentecunami tandanacushpa ricungacuna”. Mandaj Diosca, paipaj shimihuantajmi chashna nishca.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 1:43

Chai cayandij punllami Jesusca Galileaman risha nicushpa, Felipehuan tupashpaca: –Ñucata cati– nirca.

Juan 1:50

Jesusca: –“Higo yura ucupi cajpirajmi ricurcani” ¿nishcallamantachu ñucataca cringui? Caita yallicunatapishmi ricungui– nirca.

Juan 10:41

Chaipi cajpi achcacuna paipajman rishpaca: –Juanca ima milagrota mana rurashca cashpapish cai runamanta tucui pai huillashcaca, mana llullachu cashca– nircacunami.

Juan 11:15

–Ñucaca cancuna alli crij cachun ñuca mana chaipi cashcamantaca cushicunimi. Cunanca paipajman jacuchij– nircami.

Juan 11:47

Chaimantaca curacunata mandajcuna, fariseocunapish, mandajcunapurallami tandanacurcacuna. Chashna tandanacushpaca: –Cai runaca pi mana rurai tucuipajtamari achcata ruracun ¿imatataj rurashunri?

Juan 12:18

Pi mana rurai tucuipajta Jesús rurashcata uyashcamantapishmi, Jesustaca achcacuna tupanaman shamurcacuna.

Juan 12:37

Jesusca judiocunapaj ñaupajpi, pi mana rurai tucuipajta achcata rurajpipish paitaca mana crircacunachu.

Juan 12:41

Isaiasca Jesustaca tucuita rurai tucuj cashcata ña ricushcamantami chashna nirca.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Juan 16:27

Ñucataca Taita Diospajmanta shamushcata crishpa, ñucata c'uyashcamantami cancunataca ñuca Yayallataj c'uyan.

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 2:1

Chaimanta quimsa punlla q'uipami Galileapi caj Caná pueblopica cazamiento boda tiyarca. Jesuspaj mamapish chaipimi carca.

Juan 2:23

Jesusca Pascua fiestapi Jerusalenpi cashpa achca milagrocunata rurajta ricushpami, achcacuna paita crircacuna.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 4:3

Chashna nishcata Jesús yachashpaca, Judeamanta llujshishpami Galileaman cutin rirca.

Juan 4:46

Jesusca, ñaupaman yacumanta vinota rurashca Galileapi caj Caná pueblomanmi cutin rirca. Jesús chaipi cajpica Capernaúm pueblopimi jatun mandaj churashca mandajpaj churi ungushca cashca carca.

Juan 4:54

Judeamanta Galileaman shamushpaca caihuanca ishqui cutinmi pi mana ruraipajtaca rurashpa Jesusca ricuchirca.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 6:2

Pi mana alliyachipaj unguihuan cajcunata Jesús alliyachijta ricushcamantami achcacuna paita catishpa rircacuna.

Juan 6:26

Jesusca: –Pi mana rurai tucuipajta ñuca rurajta ricushcamantaca, mana mashcanguichijchu. Ashtahuanpish tandata mana nijta micushcallamantami mashcacunguichij. Chaica chashnatajmi.

Juan 6:30

Shina nijpica cashnami nircacuna: –Ñucanchij canta cringapajca ¿ima milagrota ruraiyari? Chaita ricushpa cringapaj.

Juan 7:31

Chaipi cajcunamanta achcacuna Jesusta crishpaca: –Pai mana Cristo cajpica Cristo shamushpaca ¿cai runa rurashcacunatapish yallitachu ruranga imashi?– nircacunami.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:17

Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

DEUTERONOMIO 5:24

cashna nircanguichij: Mandaj Dios ñucanchij Taita Diosca pai sumaj cashcata, pai jatun cashcatami ñucanchijmanca ricuchirca. Nina rupacuj chaupimanta pai rimashcatami uyarcanchij. Mandaj Diosca runacunahuan rimajtami ricunchij. Chaita ricushpapish manamari huañunchijchu.

1 Juan 5:13

Caicunataca Diospaj Churipi crishpa pai yuyailla cajcunaca huiñai causaita ña charishcata yachachunmi quillcani.