Juan 19:7 - Dios Rimashca Shimicunami

⁷ Chaimi judiocunaca: –Ñucanchijca shuj mandashcatami charichij. Chai mandashcapi nishca shinaca Taita Diospaj Churimi cani nishcamantaca paica huañunatajmi can– nircacuna.

Mushuj Testamento Diospaj Shimi

⁷ Chashna nijpi judiocunaca: —Ñucanchijca shuj Mandashcatami charinchij. Paica, “Diospaj Churimi cani” nishcamantaca, chai Mandashcapi nishca shina huañunatajmi can— nircacunami.

Juan 19:7 Iomraidhean Croise

ISAÍAS 53:4

Ashtahuanpish paica ñucanchij ungüicunatami aparirca. Ñucanchij nanaicunatami llaquita aparca. Ashtahuanpish ñucanchijca paitaca, Dios chugrichishpa, llaquichishpa azoticushcatami yuyarcanchij.

LEVÍTICO 24:16

Maijanpish Mandaj Diospaj shutita p'iñashpa c'amijca huañungatajmi. Tucui tandanacushca israelcunami rumicunahuan shitangacuna. Mana israelcuna cashpapish, israelcuna cashpapish Mandaj Diospaj shutita p'iñashpa c'amishpaca huañungatajmi.

Marcos 15:39

Jesusta chacatashca ñaupajpi caj patsaj soldadocunata mandajca, caparishpa huañujta ricushpami: –¡Caica Taita Diospaj Churitajmari cashca!– nirca.

Juan 19:8

Chashna nijta Pilato uyashpaca, ashtahuanmi mancharirca.

Juan 5:18

Samana punllapi ungushcata alliyachishpa mana cazushcallamantaca mana carcachu. Taita Dios shina tucushpa Taita Diostapish ñuca quiquin Yayami nishcamantami judiocunaca ima shinapish huañuchinata yuyarcacuna.

Hechos 18:13

cashna nirca: –Cai runaca Taita Diosta adorachun nishpa yachachishpaca, mandashcapi nishca shinaca, mana yachachinchu– nircacunami.

Romanos 1:4

Huañushcacunapaj chaupimanta pai causarishcamantami, jucha illajta ruraj Espíritu huillashca shinaca, poderyuj Diospaj Churi cashcata ricuchishca.

DEUTERONOMIO 18:20

Maijanpish manapish ñuca huillachijpi Mandaj Diosmi huillachin nishpa huillajca huañuchishcami canga. Shinallataj shujtaj dioscunapaj shutipi huillajpish huañuchishcami canga nircami.