Juan 19:6 - Dios Rimashca Shimicunami

⁶ Jesusta ricushpaca curacunata mandajcunapish, Taita Diospaj huasita cuidajcunapish: –¡Chacatai! ¡Chacatai!– nishpa caparinacujpimi Pilatoca: –Ñucaca paipica ima huañuipaj juchata rurashcata mana japinichu. Cancunallataj pushashpa chacatagrichijlla– nirca.

Mushuj Testamento Diospaj Shimi

⁶ Jesusta ricushpacarin pushaj curacunapish, chapajcunapish: —¡Chacatailla! ¡Chacatailla!— nishpami caparircacuna. Shina nijpimi Pilatoca: —Cancunallataj pushashpa chacataichijlla. Ñucaca, ima millaita rurashcata mana japinichu— nircami.

Juan 19:6 Iomraidhean Croise

Mateo 26:58

Jesusta pushajpica Pedroca, huasha huashalla catishpami, curacunata mandajpaj huasi canllaman yaicurca. Chaipica, Jesusta imata rurajta ricungapajmi huasita cuidajcunahuan tiyarirca.

Mateo 27:22

Chaimi Pilatoca: –¿Imatataj Jesús shuti Cristomi nishca runataca rurasha?– nishpa tapujpi tucui paicunaca: –¡Chacatachun ninchijmi!– nircacuna.

Mateo 27:24

Tucuicuna imata mana uyashun nishpa, ashtahuan caparicujta ricushpami Pilatoca yacuta japishpa tucuicunapaj ñaupajpi maquita maillashpaca: –Cai cashcata ruraj runata huañuchijpi paipaj yahuarmantaca, ñucaca ima juchachinayuj mana canichu. ¡Cancunapaj jahuami canga!– nircami.

Lucas 23:4

Chaimi curacunata pushajcunaman, chaipi cajcunamanpish Pilatoca: –Cai runapica, imamanta jatunta llaquichinata mana japinichu– nirca.

Juan 18:3

Chaimi Judasca, curacunata mandajcuna, fariseocunapish cachashca achca soldadocunatapish, Taita Diospaj huasita cuidajcunatapish pushashpa shamurca. Paicunaca linternacunahuan, nina sindicunahuan, macanacunatapish apashcami shamurcacuna.

Juan 18:31

Chaimi Pilatoca: –Shinashpaca, cancunallataj paita pushashpa, cancunapaj Mandashcapi nishca shina tapushpa imatapish nichijlla– nirca. Chashna nijpi judiocunaca: –Ñucanchijca maijanta huañuchinapaj mandashcatamari mana charinchij– nircacuna.

Juan 18:38

Chaimi Pilatoca: –¿Mana llullaca imatagari?– nirca. Jesusta chashna tapushca q'uipami, Pilatoca canllaman cutin llujshishpa judiocunataca cashna nirca: –Ñucaca cai runapica imamanta jatunta llaquichinataca mana japinichu.

Juan 19:15

paicunaca: –¡Paitaca chacatashpa huañuchilla!– nishpa caparircacuna. Chaimi Pilatoca: –¿Cancunata jatun Mandajtachu chacatasha?– nijpi, curacunata mandajcunaca: –¡Ñucanchijca Cesarllatami jatun mandajtaca charinchij!– nircacuna.

Juan 19:4

Pilatoca cutin canllaman llujshishpami: –Riquichij, paipica ima millaita rurashcata mana japinichu. Chaimantami cancuna entendichun cutin canllaman pushamuni– nirca.

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.