Juan 19:5 - Dios Rimashca Shimicunami

⁵ Jesusca casha coronata umapi churashca, amsa puca capata p'achallishcami canllaman llujshirca. Chaipimi Pilatoca: –¡Caipimi chai runaca!– nirca.

Mushuj Testamento Diospaj Shimi

⁵ Jesusca casha coronata, amsa puca jahua churanatapish churashcami llujshirca. Ña llujshijpimi Pilatoca: —¡Cai runaca caipimi!— nirca.

Juan 19:5 Iomraidhean Croise

ISAÍAS 40:9

Sionmanta huillaj, shuj jatun urcuman huichiyai. Jerusalenmanta huillaj, tucui fuerzahuan caparishpa huillayari. Mana manchashpa jatariyari. Judá llajtapi caj pueblocunamanca: “¡Caipimi cancunapaj Taita Diosca!” nichigari.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

LAMENTACIONES 1:12

Ñanta ricujcuna, shayarishpa ricuichigari. Ñucata japishca jatun nanai shinaca, ¿pita japishcachu imatagari? ¿Cashnata ricushpaca manachu cancunataca llaquinayan imatagari? Mandaj Dios jatunta p'iñarishpa llaquichina punllamari ñucapajca chayamushca.

Mateo 27:29

Paipaj umapica, cashamanta ahuashca coronata churachishpa, alli maquipica carrizota aisachishpa, paipaj ñaupajpi cungurishpami: –¡Viva judiocunapaj jatun mandaj!– nij tucushpa chanzata rurarcacuna.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Juan 19:2

Soldadocunaca Jesusmanca cashayuj caspita coronata rurashpami umapica churachircacuna. Amsa puca capata p'achallichishpami,

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.