Juan 19:41 - Dios Rimashca Shimicunami

⁴¹ Chai chacatashca c'uchullapimi, shuj huerta tiyarca. Chai huertapica pita manaraj churashca, mushuj jutcumi tiyarca.

Mushuj Testamento Diospaj Shimi

⁴¹ Chai chacatashca cʼuchullapitajmi, shuj huerta tiyarca. Chai huertapica, pi huañushcata manaraj churashca, mushuj jutcumi tiyarca.

Juan 19:41 Iomraidhean Croise

2 REYES 23:30

Chaipimi paipajta rurajcunaca shuj carropi churashpa, Meguidomanta huañushcata Jerusalenman apamushpa, pai rurachishca jutcullapitaj churarcacuna. Judá llajtacunaca Josiaspaj churi Joacazta jatun mandaj cachun aceitehuan umapi churashpami, paimi paipaj yayapaj randi jatun mandaj nishpa caparircacuna.

ISAÍAS 22:16

Canca ¿imatataj caipica charinguiyari? ¿Pitataj caipica charinguiyari? ¿Ima nishpataj canta churana jutcutaca caipi rurarcanguiyari? Lomapi jutcuta rurajcuna shinami rurashcangui. Rumi urcupi causana jutcuta rurajcuna shinami rurashcangui.

Mateo 27:60

paita pambanapaj sinchi q'uillinpi quinriman jutcushca mushuj jutcupimi Jesuspaj cuerpotaca churarca. Jatun rumita jutcu punguman singuchishpa huichcashpaca rircallami.

Lucas 23:53

Cruzmanta uriyachishpaca linsohuan pilluchishpami, sinchi q'uillinpi quinriman jutcushcapi churarca. Chaipica, pita manaraj churashcami carca.

Juan 19:42

Pascuapaj judiocuna allichirina punlla ñalla tucurigrijpimi, chai jutcupish c'uchullapi cashcamanta, Jesuspaj cuerpotaca chaipi churarcacuna.

Juan 20:15

Jesusca: –Huarmi ¿imamantataj huacacungui? ¿Pitataj mashcacungui?– nijpimi, huertata allichijmi yuyashpa chai huarmica: –Mandaj Jesusta, can apashca cashpaca, maipi churashcata huillahuai, ñuca apangapaj– nirca.