Juan 19:36 - Dios Rimashca Shimicunami

³⁶ Tucui caicunaca: “Paipaj tulluca shujllapish mana p'aquishcachu canga” nishpa Quillcachishcapi nishca pajtachunmi, chashnaca tucurca.

Mushuj Testamento Diospaj Shimi

³⁶ Dios Quillcachishcapi: «Paipaj tulluca shujllapish mana pʼaquishcachu canga» nishca pajtachunmi chashnaca tucurca.

Juan 19:36 Iomraidhean Croise

2 REYES 15:12

Mandaj Diosca Jehutaca: “Cambaj churicunataca chuscu huahua huahuacunacamami israelcunata mandachun saquisha” nishcami carca. Chaica chashnatajmi pajtarca.

SALMOS 22:14

Yacu shinami talliricuni. Ñuca tullucunapish mucucunamanta llujshishca shinami. Ñuca shungupish ñuca ucupica huira shinami yacuyacun.

SALMOS 34:20

Paipaj tullucunataca Mandaj Diosmi huaquichin. Paipajca shuj tullullapish mana p'aquiringachu.

SALMOS 35:10

Tucui ñuca tullucunami: “Mandaj Dioslla, quiquin shinaca ¿pitaj tiyangari? Quiquinca llaquilla caj runatapish paita yalli c'ari c'ari runa llaquichicujpi quishpichijmi cangui. Huajcha, imata mana charijcunatapish, quichujcunapaj maquimanta quishpichijmi cangui” nishami.

ÉXODO 12:46

Chai aichataca shuj huasi ucullapi micunguichij. Mirgallatapish ama canllaman llujshichinguichijchu. Tullutaca shuj tullullatapish ama p'aquinguichijchu.

NÚMEROS 9:12

Diosman cushpa huañuchishca animalpaj aichataca cayandij punllapajca, imata ama saquichun. Chai animalpajtaca shuj tullullatapish ama p'aquichun. Pascua micuitaca ima shina rurachun nishca shinataj rurachun.

Mateo 1:22

Tucui caicunaca, profetaman Jatun Dios cashna huillachishca pajtachunmi chashna tucurca:

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.

Juan 19:24

Chaimantami caishuj chaishuj cashna nircacuna: –Caitaca ama lliquishpa chaupishunchijchu, maijanpaj urmachunpish chai churana jahuallapitaj sorteashunchij– nircacunami. Chashna rurajpica: “Ñuca churanacunataca, paicunapurami chaupircacuna. Ñuca churana jahuallapitajmi sortearcacuna” nishpa Quillcachishcami pajtarca. Soldadocunaca chashnatajmi rurarcacuna.

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,