Juan 19:31 - Dios Rimashca Shimicunami

³¹ Chai punllaca, Pascuapaj judiocuna allichirinami carca. Chaimantami samana punllapajca, huañushcacuna cruzpi ama saquirichun, changacunata p'aquishpa paicunata anchuchichun Pilatota nigrircacuna. (Chai samana punllapica jatun fiestami cana carca).

Mushuj Testamento Diospaj Shimi

³¹ Judiocunaca, Pascua callarina sábado punllapajmi allichirina caraca. Chai jatun punllapajca, huañushcacunataca mana cruzpi saquinachu carca. Chaimantami changacunata pʼaquishpa, chaimanta anchuchichichun, Pilatota mañagrircacuna.

Juan 19:31 Iomraidhean Croise

ÉXODO 12:16

Punta punllapica tucuita cayashpa Diospajlla tandanacuimi canga. Tucuri canchis punllapipish tucuita cayashpa Diospajlla tandanacuita charinguichij. Chai ishqui punllacunapica amataj cancunapajca imata ruranguichijchu. Ashtahuanpish cancuna micungapajlla micunata allichinguichij.

PROVERBIOS 12:10

Cashcata ruraj runaca animalcunatapish, mana yaricaihuan charinchu. Ashtahuanpish mana manchajcunaca rumi shungu cashpami, mana llaquincuna.

MIQUEAS 3:3

Shinallataj caipi causajcunatapish micurcanguichijmi. Paicunapaj aicha caratapish anchuchircanguichijmi. Paicunapaj tullucunatapish mangapi churashpa yanuna tullucunata shinami ñututa p'aquircanguichij. Paicunaca yanunapaj mangapi tiyacuj aicha shinami carcacuna.

Mateo 27:62

Allichirishca cayandij punllaca, curacunata mandajcuna, fariseocunapish Pilatopajman rishpami,

Marcos 15:42

Samana punllapaj allichina punllaca ñami chishiyarca.

Juan 19:1

Chashna nijpimi Pilatoca, Jesusta azotichun mandarca.

Juan 19:14

Pascua punllapaj allichirina chaupi punlla shinatami Pilatoca judiocunataca: –¡Caipimi cancunata jatun Mandajca!– nijpi,

Juan 19:42

Pascuapaj judiocuna allichirina punlla ñalla tucurigrijpimi, chai jutcupish c'uchullapi cashcamanta, Jesuspaj cuerpotaca chaipi churarcacuna.

JOSUÉ 8:29

Hai pueblota jatun mandajtaca, Josueca yurapi huarcushpa sipichunmi mandarca. Tutayangacamami huarcushca carca. Ña tutayajpica huañushca aichata uricuchishpami, Hai puebloman yaicuna pungullapi churashpa, chai jahuapica rumicunata montonachirca. Cunancamami chai rumicunaca chaipi tiyacun.