Juan 19:30 - Dios Rimashca Shimicunami

³⁰ Jesusca vinagreta ubyashpaca: –¡Ña tucuchishcami!– nishpaca, umata huarcushpa paipaj espirituta Taita Diosman mingashpa huañurcallami.

Mushuj Testamento Diospaj Shimi

³⁰ Chai vinagreta mallishpaca, Jesusca: —Ña tucui pajtachishcami— nircami. Chashna nishcahuan uma huarcurishpa, Paipaj espirituta Diosman mingarcallami.

Juan 19:30 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

SALMOS 22:15

Ñuca shimipish callana shinami chaquishca. Ñuca c'allupish palagrapimi llutarishca. Huañushpa allpa tucuchunmari saquigringui.

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

ISAÍAS 53:12

Chaimanta ñucaca paimanca jatuncunapurapi canatami cusha. Mishashpa quichushcatapish c'ari c'aricunahuanmi chaupinacunga. Paica huañuchichun paillataj japi tucushpamari, millaita rurajcunahuan huañuchishca carca. Juchayujcunapaj randi huañushpamari, achcacunapaj juchata aparca. Millaita rurajcunamantapish mañarcami.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 27:50

Jesusca cutin sinchita caparishpaca, paipaj espirituta Diosman mingarcallami.

Mateo 3:15

Jesusca: –Shina cajpipish cunanca chaitaca saquishpa bautizaillari. Chashna rurashpami, Taita Dios mandashcataca tucuita pajtachishun– nijpimi Juanca bautizarca.

Marcos 15:37

Jesusca, sinchita caparishpa huañurcallami.

Lucas 22:37

Cancunaman huillanimi: Quillcachishcapica ñuca imalla tucunamantaca cashnami nicun: “Millaita rurajta shinallatajmi millaita rurajcunahuan chagrushca canga” nishcaca ñami pajtagrin. Chashna nishpa ñucamanta quillcashcaca pajtanatajmi– nircami.

Lucas 23:46

Jesusca sinchita caparishpami: –Yayitu, cambaj maquipimi ñuca espirituta mingani– nishpaca huañurcallami.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 10:18

Pi mana ñucataca huañuchi tucunchu, ashtahuanpish ñuca huañusha nijpimi huañuchingacuna. Ñucallataj huañui tucunimi, ñucallataj causari tucunimi. Chashna tucuchunmi ñucataca ñuca Yayaca mandarca nircami.

Juan 17:4

Ñucaca cai pachapica tucui quiquin ima nishcata rurashpami quiquintaca jatunyachini.

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Romanos 10:4

Mandashcata pajtachijca Cristomi. Tucui paita crijcunataca Dios justificachunmi chashna rurarca.

Romanos 3:25

Jesustami paipaj yahuarpi crijpi juchacunata anchuchij cachun churarca. Diosca mana p'iñarij cashpami, ñaupa juchacunata perdonashpa, mana juchallishcata shina ruraj cashcata ricuchingapaj chashna rurarca.

1 Corintios 5:7

Mushuj masa tucungapajca, ismushca levadurataca tucui p'ichaichij. Ñucanchij Pascua, Cristo ñucanchijmanta ña sacrificashca cashcamantami, levadura illaj masa shina tucushcanguichij.

Filipenses 2:8

Runa caj shinallataj tucushpami, paillataj mana jatun tucurca. Huañungacama Diosta cazushpami, cruzpi huañurca.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

Hebreos 9:22

Mandashcapi nishca shinaca, yahuarhuanca maijan maijanllami mana chuyayan. Shina cajpipish yahuarta mana jichajpica, perdonca mana tiyanchu.