Juan 19:29 - Dios Rimashca Shimicunami

²⁹ soldadocunaca shuj mangapi vinagre junda tiyacujpimi, esponjata satishpa hisopo caspi puntapi churashpa, Jesuspaj shimiman pajtachirca.

Mushuj Testamento Diospaj Shimi

²⁹ Chaipica, vinagrehuan junda shuj mangami tiyacurca. Soldadocunaca esponjata chaipi satishpa, hisopo caspi puntapi churashpami, Jesuspaj shimiman pajtachirca.

Juan 19:29 Iomraidhean Croise

1 REYES 4:33

Salomonca yuracunamantapish libanopi tiyaj cedro yuramanta callarishpaca, pata quinricunapi huiñaj hisopo yura ima shina cashcacamami yachachirca. Animalcunamantapish, tucui alasyuj animalcunamantapish, llucashpa purij animalcunamantapish, chalhuacunamantapishmi ima shina cashcata yachachirca.

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ÉXODO 12:22

Maqui junda hisopota japishpa chai ovejapaj yahuar bateapi tiyacunpi satishpa pungupi quinriman churashca caspipish, pungu ishqui lado quisyucunapipish llihuinguichij. Cancunaca shujllapish cancunapaj huasimantaca pacaringacama ama llujshinguichijchu.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

Mateo 27:34

Chai urcupimi Jesusmanca, hielhuan chagrushca vinagreta ubyachishun nircacuna. Ashtahuanpish probashpaca mana ubyasha nircachu.

Mateo 27:48

Chaita uyashpaca chaipi cajcunamanta shujmi, callpashpa rishcahuan shuj esponjata japishpa, vinagrepi satishpa carrizo puntapi churashpa Jesusman ubyachisha nirca.

Mateo 27:50

Jesusca cutin sinchita caparishpaca, paipaj espirituta Diosman mingarcallami.

Marcos 15:36

Chaita uyashpaca chaipi cajcunamanta shujmi, callpashpa rishcahuan shuj esponjata japishpa vinagrepi satishpaca, carrizo puntapi churashpa Jesusman ubyachirca. Chashna rurashpaca: –Ricushunchij, ¿cruzmanta Elias uriyachij shamunchu, imamí?– nircami.

Lucas 23:36

Soldadocunapish vinagreta cushun nishpa c'uchuyashpaca, chanzata rurashpami,