Juan 19:22 - Dios Rimashca Shimicunami

²² Ashtahuanpish Pilatoca: –Ima shina quillcashcaca, chashnami saquiringa– nircami.

Mushuj Testamento Diospaj Shimi

²² Chashna nijpi Pilatoca: —Ñuca ña quillcashcaca, chashnami saquiringa— nircami.

Juan 19:22 Iomraidhean Croise

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

SALMOS 65:7

Mama cucha huajiacujtapish parachijmi cangui. Mama cucha yacu jatarishpa huajiacujtapish, casijllata rurajmi cangui. Llajtacuna bullanacucujtapish upallachijmi cangui.

SALMOS 76:10

Runacuna p'iñarijpica quiquinca ashtahuan jatun nishcami tucungui. Quiquin p'iñarishpa llaquichijpi saquirishcacunatapish cumurichinguirajmi.

PROVERBIOS 8:29

mama cucha yacuta pai churashcamanta, ama maiman llujshichun mandacujpi, cai pachatapish huasita alli shayachij shina sinchita churacujpica, paihuanmi carcani.

Juan 19:12

Chaimi Pilatoca, ima shinapish Jesusta cacharinata yuyacurca. Chashna yuyacujpipish judiocunaca: –Cai runata cacharishpaca, mana Cesarhuan apanacujchu cangui. Pipish jatun mandaj tucusha nijca, Cesarta p'iñajmi– nishpami caparircacuna.