Juan 19:17 - Dios Rimashca Shimicunami

¹⁷ Jesusca paita chacatana cruzta aparishcami, Uma Tullu shuti urcuman llujshirca. Chai urcuca Hebreopica Gólgota nisha ninmi.

Mushuj Testamento Diospaj Shimi

¹⁷ Jesusca Paita chacatana cruzta aparishpami, Uma Tullu shuti urcuman huichiyarca. Chai urcuca, hebreo rimaipica Gólgota shutimi.

Juan 19:17 Iomraidhean Croise

GÉNESIS 22:6

Chaimantaca Abrahamca, Taita Diosman cunata tucui rupachina yantataca paipaj churi Isaacman apachishpa cuchillotapish, ninatapish pai apashpami ishquindij rircacuna.

1 REYES 21:13

Ishqui millai runacuna shamushpaca Nabotpaj ñaupajpimi tiyarircacuna. Chai millai runacunaca tucuicunapaj ñaupajpimi: “Nabotca Taita Diostapish, jatun mandajtapish c'amircami” nishpa juchachishpa huillajpi, Nabottaca pueblomanta canllaman llujshichishpa rumicunahuan shitajpi huañurca.

LEVÍTICO 24:14

“Diosta c'amij runataca carpa huasicunamanta canllaman llujshichi. Chai runa c'amishcata maijanlla uyajcuna, chai runapaj uma jahuapi maquicunata churaichij. Tucui tandanacushcacuna rumicunahuan shitaichij.

Mateo 10:38

Ñucata catij tucushpaca llaquita apanataj cashcata mana alli yuyarishpa ñucata catijca, mana ñucapajchu.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 27:37

Paita chacatashca cruz jahuanijpica, imamanta huañuchishcata huillaj quillcatami churarcacuna. Chaipica: “Caica, judiocunapaj jatun Mandaj Jesusmi” nishpa quillcashcami carca.

Marcos 10:21

Jesusca c'uyaihuan paita ricushpami: –Shujca illanrajmi: Can imalla charishcacunata tucui c'atushpa, huajchacunaman cugri. Chashna rurashpami jahua pachapica, achcata charingui. Chacatashpa huañuchina cajpipish ñucata catingui tigramugri– nirca.

Marcos 15:26

Imamanta huañuchishcata huillaj quillcapica: “Judiocunapaj jatun Mandajmi” nishcami tiyacurca.

Marcos 15:32

¡Israelcunapaj jatun Mandaj Cristo cashpaca, ñucanchij ricushpa cringapaj, cruzmanta cunanllataj uriyachun!– nircacunami. Jesushuan chacatashcacunapish c'amircacunami.

Marcos 8:34

Gentecunatapish, yachacujcunatapish cayashpaca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Lucas 14:27

Chacatashpa huañuchina llaquita apana cajpipish, ñucata catijllami ñuca yachacuj cai tucun.

Lucas 23:26

Ña Jesusta pushacushpaca, chagramanta shamucuj Cirenemanta Simontami japirca. Paimanmi cruzta apachishpa Jesustaca catichishpa pusharcacuna.

Lucas 23:33

Uma Tullu urcuman ña chayashpa chaipi Jesusta chacatashpaca, huañuchij ishqui runacunatapish shujtaca alli ladoman, caishujtaca lluqui ladomanmi chacatarcacuna.

Lucas 23:38

Jesusta chacatashca uma jahua nijpica: “Caica, judiocunapaj jatun Mandajmi” nishpa, griegopi, latinpi, hebreopi quillcashcami tiyacurca.

Lucas 9:23

Tucui chaipi cajcunataca cashnami nirca: –Maijanpish ñucata catisha nijca, chacatashpa huañuchina cajpipish, quiquin causaita mana llaquishpa punllanta ñucata catichunlla.

Juan 19:13

Chaita Pilato uyashpaca, Jesusta canllaman llujshichishpami, mandashpa tiyanapi tiyarirca. Chai tiyarina pambaca rumihuan rurashcami carca. Chaica hebreopica Gábata nisha ninmi.

Juan 5:2

Jerusalenpica, Ovejacunata yaicuchina pungu c'uchupimi, shuj cucha tiyan. Chai cuchaca, hebreo rimaipica, Betesda shutimi. Chai cucha c'uchupica pichca corredorcunami tiyan.

Hechos 7:58

Paita japishpaca chai pueblomanta llujshichishpami, chai llullashpa huillajcunaca paicunapaj churanacunatapish Saulo shuti mosoman mingashpa Estebanta huañuchingapaj rumihuan shitarcacuna.