Juan 19:15 - Dios Rimashca Shimicunami

¹⁵ paicunaca: –¡Paitaca chacatashpa huañuchilla!– nishpa caparircacuna. Chaimi Pilatoca: –¿Cancunata jatun Mandajtachu chacatasha?– nijpi, curacunata mandajcunaca: –¡Ñucanchijca Cesarllatami jatun mandajtaca charinchij!– nircacuna.

Mushuj Testamento Diospaj Shimi

¹⁵ Ashtahuanpish paicunaca: —¡Llujshichi! ¡Llujshichi! ¡Chacatailla!— nishpami caparircacuna. Chaimantami Pilatoca: —¿Cancunapaj jatun Mandajtachu chacatachun ninguichij?— nijpi, pushaj curacunaca: —¡Cesarllami ñucanchij jatun mandaj, pi shujtaj jatun mandajtaca mana charinchijchu!— nircacunami.

Juan 19:15 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

Mateo 22:17

Chaimantami caita tapushun ninchij: Cesarman tributota cunaca mandashcapi nishca shinaca ¿allichu canga, imashi? ¿Canca ima ninguitaj?– nishpami tapurcacuna.

Lucas 23:18

Ashtahuanpish tucui chaipi cajcunaca: –¡Jesustaca huañuchilla, Barrabastami cacharichun ninchij!– nishpami, shuj shinalla caparircacuna.

Juan 18:31

Chaimi Pilatoca: –Shinashpaca, cancunallataj paita pushashpa, cancunapaj Mandashcapi nishca shina tapushpa imatapish nichijlla– nirca. Chashna nijpi judiocunaca: –Ñucanchijca maijanta huañuchinapaj mandashcatamari mana charinchij– nircacuna.

Juan 19:6

Jesusta ricushpaca curacunata mandajcunapish, Taita Diospaj huasita cuidajcunapish: –¡Chacatai! ¡Chacatai!– nishpa caparinacujpimi Pilatoca: –Ñucaca paipica ima huañuipaj juchata rurashcata mana japinichu. Cancunallataj pushashpa chacatagrichijlla– nirca.

Hechos 13:28

Jesustaca imamanta mana huañuchi tucushpapish, Pilatotaca: “Jesustaca huañuchilla” nircacunami.

Hechos 21:36

Chai tucui achca caticujcunaca: –¡Huañunami can!– nishpami caparircacuna.

Hechos 22:22

Chai tucuita Pablo parlangacamaca allimi uyarcacuna. Mana judiocunapajman cachashcami cani nijta uyashpaca: –¡Cai runaca cai pachamantaca anchunami can, pai cai pachapi causanaca mana allichu!– nishpami sinchita caparircacuna.