Juan 19:13 - Dios Rimashca Shimicunami

¹³ Chaita Pilato uyashpaca, Jesusta canllaman llujshichishpami, mandashpa tiyanapi tiyarirca. Chai tiyarina pambaca rumihuan rurashcami carca. Chaica hebreopica Gábata nisha ninmi.

Mushuj Testamento Diospaj Shimi

¹³ Chaita uyashpaca Pilatoca, Jesusta canllaman llujshichichun mandashpami, juchachishcacunata tapungapaj tiyarinapi tiyarirca. Chai ucuca, hebreo rimaipica, Gabatá shutimi. Chaica ‘rumihuan churashca pamba’ nisha ninmi.

Juan 19:13 Iomraidhean Croise

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

ECLESIASTÉS 5:8

Maijan llajtapica huajchacunata llaquichicujta, cashcata ruranapaj randica, llaquita ruracujta ricushpaca ama mancharinguichu. Shuj mandajtaca paita yalli caj mandajmi ricucun. Chai mandajcunatapish ashtahuan jatun mandajmi ricucun.

ISAÍAS 57:11

¿Pita manchashpataj ñucapi shunguta churanataca saquircanguiyari? ¿Pi manchachijpitaj ñucataca mana cringuiyari? ¿Ima nishpataj ñucataca mana yuyaringuiyari? Cambaj yuyaimanca ¿manachu ñucata yuyarinallapish shamurca? Ñucata manataj manchajpipish ñaupamantapachami imata mana nishpa, upalla saquircani.

JEREMÍAS 38:19

Shina nijpimi jatun mandaj Sedequiasca, Jeremiastaca cashna nirca: –Caldeocunapajman rishpa, paicunapaj maquipi yaicushca Judá runacunapaj maquipi ñucata churanatami manchani. Paicunapaj maquipi churajpica, ñucataca jatuntamari llaquichingacuna– nircami.

AMÓS 4:7

“Shinallataj granocunata tandanapaj quimsa quilla illajpirajmi, tamyatapish mana cacharcani. Maijan pueblota tamyachishpapish, maijan pueblotaca mana tamyachircanichu. Chaimantami maipi tamyashcapica, alli grano p'ucurca. Maipi mana tamyashcapica, tucui chaquirirca.

Mateo 27:19

Mandanapi tiyarishpa Pilato tapucujpimi, paipaj huarmica: “Chai cashcata ruraj runataca, ñataj imata ruranguiman. Cunan tuta muscuipica, paimantaca achca llaquitami aparcani” nishpami, huillaj cacharca.

Lucas 12:5

Pita manchana cashcata yachachisha: Cancunaca causaita quichushpa ucu pachaman cachai tucuj Taita Diosta manchaichij. Paitatajca manchanami canguichij.

Juan 19:17

Jesusca paita chacatana cruzta aparishcami, Uma Tullu shuti urcuman llujshirca. Chai urcuca Hebreopica Gólgota nisha ninmi.

Juan 19:20

Jesusta chacatashcaca, Jerusalén c'uchullapi cajpimi, chai quillcataca achca judiocuna rezarcacuna. Chai quillcaca hebreo, griego, latín rimaicunapimi carca.

Juan 19:8

Chashna nijta Pilato uyashpaca, ashtahuanmi mancharirca.

Juan 5:2

Jerusalenpica, Ovejacunata yaicuchina pungu c'uchupimi, shuj cucha tiyan. Chai cuchaca, hebreo rimaipica, Betesda shutimi. Chai cucha c'uchupica pichca corredorcunami tiyan.

Hechos 4:19

Chaipica Pedroca, Juandijmi paicunamanca cashna cutichircacuna: –Taita Diosta cazunapaj randica ¿cancunata cazunachu alli? Chaitaca cancunallataj Taita Diospaj ñaupajpi alli yuyarichij.