Juan 19:11 - Dios Rimashca Shimicunami

¹¹ Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Mushuj Testamento Diospaj Shimi

¹¹ Shina nijpi, Jesusca: —Mandai tucunata jahua pachamanta canman mana cushca cajpica, Ñucataca imata mana ni tucunguimanchu. Chaimanta, Ñucata cambaj maquipi churajmi, canta yalli mana allita rurashca— nircami.

Juan 19:11 Iomraidhean Croise

1 CRÓNICAS 29:11

Mandaj Dioslla, jatun canapish, tucuita rurai tucuj canapish, sumaj canapish, mishaj canapish, alli nishca canapish cambajmi. Jahua pachapi imalla tiyajcunapish, cai pachapi imalla tiyajcunapish cambajmi. Mandaj Dioslla mandanapish cambajmi. Can Mandaj Diosca tucuicunata cazuchijmi cangui.

SALMOS 39:9

Quiquinllataj rurasha nishcamanta ruracujpica, imata mana rimashpa, mana rimaj runa shina upajlla saquirircanillami.

SALMOS 62:11

Shuj cutinca Taita Diosca rimarcami: Ishqui cutinca cashna nijtami uyarcani: “Tucuita rurai tucuj canaca Taita Diospajmi.

LAMENTACIONES 3:37

Jatun Dios manapish mandajllapitaj imapish tucunllami nishpaca, ¿pitaj ni tucungari?

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:25

Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

DANIEL 5:21

Gentecunapuramanta anchuchishcami carca. Paipaj yuyaitaca animalcunapaj yuyaita shinami rurarca. Sacha burrocunahuanmi causarca. Huagraman shinami q'uihuata cararca. Paipaj cuerpopish jahua pacha garhuahuanmi shutujyarca. Runacuna mandacun jahuapica jahua pacha Taita Dios mandacushcata, mandaj cachunca Taita Dios pita pai churasha nishcata churaj cashcata yachangacamami chashna rurarca.

Mateo 26:65

Chaipica curacunata mandajca, yallitaj p'iñarishpami paipaj churanacunata lliquirishpaca: –¡Diostamari c'amin! ¿Imapajtaj ashtahuan huillajcunata tapucushunchijlla? Dios tucushpa rimarijtaca cancunallataj ña uyanguichijmi.

Mateo 27:2

Jesustaca huatashcatami, mandaj Poncio Pilatopajman pusharcacuna.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Marcos 14:44

Jesusta japichij Judasca: “Maijantami muchani, chaimi canga. Paita japishpaca, alli huatashpa pushanguichij” nishpami yachachishca carca.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Juan 18:13

Ña huatashpaca Jesustaca Anaspajmanrajmi pusharcacuna. Anasca Caifaspaj suedromi carca. Caifasca chai huataca curacunata mandaj curami carca.

Juan 18:3

Chaimi Judasca, curacunata mandajcuna, fariseocunapish cachashca achca soldadocunatapish, Taita Diospaj huasita cuidajcunatapish pushashpa shamurca. Paicunaca linternacunahuan, nina sindicunahuan, macanacunatapish apashcami shamurcacuna.

Juan 19:10

Chaimi Pilatoca: –¿Ñucahuanchu mana rimangui? ñucaca canta chacatasha nishpaca chacatai tucushcata, cacharisha nishpapish cachari tucushcataca ¿manachu yachangui?– nirca.

Juan 3:27

Chaimi Juanca cashna nirca: –Jahua pachamanta mana cushca cajpica, runaca imata mana chasqui tucunchu.

Juan 7:30

Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Juan 9:41

Chaimi Jesusca: –Mana ricujcuna cashpaca, jucha illajcunami canguichijman. Ashtahuanpish cunanca: “Ricujcunami canchij” nishcamantaca juchayujcunallatajmi saquiringuichij.

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hechos 4:28

Can ñaupaman chashna rurasha nishpa yuyarishca shinallatajmi, paicunaca rurarcacuna.

Romanos 11:36

Tucuimi paipaj, pai rurashcamantami tiyan, paipajmi rurarca, chaimanta tucui imapish paipajmi. Paitaca, huiñai huiñaita jatunyachishca cachun. Chashnataj cachun.

Romanos 13:1

Jatun mandajcunataca tucuicuna cazuchun. Mandajca Dios churashcamantami tiyan. Dios mana churashca mandajca, mana tiyanchu.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

Santiago 4:17

Maijanpish allita ruranata yachashpapish, mana rurajca juchayujmi tucun.