Juan 18:4 - Dios Rimashca Shimicunami

⁴ Jesusca tucui imalla tucuna cashcata ña yachashcamantami, pairaj c'uchuyashpaca: –¿Pitataj mashcacunguichij?– nijpi,

Mushuj Testamento Diospaj Shimi

⁴ Ashtahuanpish Jesusca, tucui imalla tucuna cashcata ña yachashcamantami, Pairaj cʼuchuyamushpaca: —¿Pitataj mashcacunguichij?— nirca.

Juan 18:4 Iomraidhean Croise

1 REYES 18:10

Mandaj cambaj Taita Diosca causajmi. Tucui shujtaj llajtacunamanpish, tucui mandajcunapajmanpishmi ñuca amo Acabca canta mashcachun cacharca. Chai llajtacunata mashcashpa tigrajcunataca manatajchu ricurin nishpa allitaj tapujpimi manataj ricurinchu nishpa huillarcacuna.

NEHEMÍAS 6:11

Chaimi ñucaca: “¿Ñuca shina c'ari c'ari runaca miticungami yuyanguichari? ¿Ñuca shina c'ari c'ari runaca paipaj causaita quishpichingapajca Diospaj huasiman yaicungachari? Manataj yaicushachu” nircanimi.

SALMOS 27:3

Achca soldadocuna ñucata llaquichingapaj tandanacujpipish, ñuca shunguca mana manchangachu. Ñucata llaquichingapaj macanacungapaj jatarijpipish, ñucaca Mandaj Diosllapimi shunguta churasha.

SALMOS 3:6

Huaranga huarangacuna ñucata p'iñashpa muyunchijpipish mana manchashachu.

PROVERBIOS 28:1

Diosta mana manchaj runaca, pi mana catijpipish, miticunaman callpanllami. Ashtahuanpish cashcata ruraj runaca, león shina ima manchaita mana charinchu.

Mateo 16:21

Chashna nishca pachamantami Jesusca, paipaj yachacujcunamanca cashna nishpa huillai callarirca: “Jerusalenmanca rinatajmi cani. Chaipica ancianocunapaj, curacunata mandajcunapaj, mandashcacunata quillcajcunapaj maquipi achca llaquita apashpa huañunami cani. Quimsa punllapica causarishcami cana cani” nircami.

Mateo 26:2

“Pascua fiestapajca, ishqui punllalla illashcataca yachanguichijmi. Chaipimi Runa Aichayujtaca, chacatachun entreganga” nircami.

Mateo 26:21

micucushpami Jesusca: –Cancunapuramanta shujmi, ñucataca huañuchichun entregagrin. Chashnatajmi canga– nirca.

Mateo 26:31

Chaipimi Jesusca: –Quillcachishcapica: “Michijtaca huañuchishami, oveja canllaca caita chaitami ringacuna” ninmi. Chaipi nishca shinallatajmi cunan tutallataj ñucata caticushcata saquishpa tucuicuna urata janajta ringuichij.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 13:11

Jesusca, pi paita huañuchichun cuna cashcataca yachashcamantami: “Mana tucuicunachu chuya canguichij” nirca.

Juan 18:5

paicunaca: –Nazaretmanta Jesustami mashcacunchij– nijpi, Jesusca: –Ñucami cani– nirca. Paita japichij Judaspish paicunahuanmi carca.

Juan 18:7

Jesusca cutinmi: –¿Pitataj mashcacunguichij?– nijpi paicunaca: –Nazaretmanta Jesustami mashcacunchij– nircacuna.

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,

Juan 6:64

Chashna huillajpipish cancunamanta maijancunaca manaraj cringuichijchu– nircami. (Jesusca callarimantami maijanlla mana crij cashcata, pi paita japichina cashcatapish yacharca).

Hechos 2:28

Huiñai causaiman chayachij ñantapish canmi rijsichircangui. Can ñucahuan cashcamantami, yallitaj cushicuni” ninmi.

1 Pedro 4:1

Cristoca ñucanchijmantami paipaj aichapi llaquita aparca. Cancunapish llaquita apana yuyailla allichirichij. Maijanpish aichapi llaquita apajca, juchamantami tucui anchurishca.