Juan 18:38 - Dios Rimashca Shimicunami

³⁸ Chaimi Pilatoca: –¿Mana llullaca imatagari?– nirca. Jesusta chashna tapushca q'uipami, Pilatoca canllaman cutin llujshishpa judiocunataca cashna nirca: –Ñucaca cai runapica imamanta jatunta llaquichinataca mana japinichu.

Mushuj Testamento Diospaj Shimi

³⁸ Shina nijpi, Pilatoca: —¿Imataj, cashcatataj huillanaca?— nircami. Chashna nishca qʼuipaca, judiocunapajman canllaman cutin llujshishpami, cashna nirca: —Ñucaca, ima millaita rurashcata mana japinichu.

Juan 18:38 Iomraidhean Croise

Mateo 27:24

Tucuicuna imata mana uyashun nishpa, ashtahuan caparicujta ricushpami Pilatoca yacuta japishpa tucuicunapaj ñaupajpi maquita maillashpaca: –Cai cashcata ruraj runata huañuchijpi paipaj yahuarmantaca, ñucaca ima juchachinayuj mana canichu. ¡Cancunapaj jahuami canga!– nircami.

Marcos 15:14

Cutinllataj Pilatoca: –¿Ima mana allitataj rurashcari?– nircami. Ashtahuanpish paicunaca: –¡Chacatachun ninchijmi!– nishpami ashtahuan caparircacuna.

Lucas 23:4

Chaimi curacunata pushajcunaman, chaipi cajcunamanpish Pilatoca: –Cai runapica, imamanta jatunta llaquichinata mana japinichu– nirca.

Juan 18:33

Pilatoca pai mandashpa tiyana ucuman cutin yaicushpami, Jesusta cayashpaca: –¿Canca judiocunata jatun Mandajchu cangui?– nijpi,

Juan 19:4

Pilatoca cutin canllaman llujshishpami: –Riquichij, paipica ima millaita rurashcata mana japinichu. Chaimantami cancuna entendichun cutin canllaman pushamuni– nirca.

Juan 19:6

Jesusta ricushpaca curacunata mandajcunapish, Taita Diospaj huasita cuidajcunapish: –¡Chacatai! ¡Chacatai!– nishpa caparinacujpimi Pilatoca: –Ñucaca paipica ima huañuipaj juchata rurashcata mana japinichu. Cancunallataj pushashpa chacatagrichijlla– nirca.

Hechos 17:32

Huañushcacunapaj chaupimanta causarina nijta uyashpaca maijancunaca achcatami asircacuna. Maijancunaca: “Shujtaj punllami can huillashcataca uyashun” nircacunami.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.