Juan 18:37 - Dios Rimashca Shimicunami

³⁷ Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Mushuj Testamento Diospaj Shimi

³⁷ Chaimantami Pilatoca: —Shinashpaca canca, ¿jatun mandajchu cangui?— nijpi Jesusca: —Canllatajmi Ñucataca, jatun mandaj ningui. Ñucaca cai pachamanca, chaipajllatajmari shamurcani, chaipajmi huacharircani, cashcatataj huillangapajpishmi shamurcani. Pipish, cashcatataj huillajpaj cashpallami, Ñuca imalla nishcataca uyan— nircami.

Juan 18:37 Iomraidhean Croise

ISAÍAS 55:4

Riqui, ñucami paitaca gentecunaman ñucamanta huillaj cachun churarcani. Llajtacunata mandaj cachun, yachachij cachunpishmi churarcani.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Mateo 27:11

Mandaj Pilatopaj ñaupajpi Jesús shayacujpimi, Pilatoca Jesustaca: –¿Canca, judiocunata jatun mandajchu cangui?– nijpi, Jesusca: –Ari, canllataj ña chashna ninguica– nirca.

Marcos 14:62

Jesusca: –Ari, ñucaca chaimi cani. Runa Aichayujtaca, tucuita rurai tucuj Taita Diospaj alli ladoman tiyacujtapish, jahua pachamanta p'uyupi shamucujtapishmi ricunguichij– nircami.

Marcos 15:2

Pilatoca Jesustaca: –¿Canca, judiocunata jatun Mandajchu cangui?– nijpi, Jesusca: –Ari, canllataj ña chashna ninguica– nirca.

Lucas 22:70

Chaimi tucuicuna: –Shinashpaca ¿Canca Taita Diospaj Churichu cangui?– nijpi, Jesusca: –Cancuna nishca shinallataj chaimi cani– nircami.

Lucas 23:3

Chaimi Pilatoca: –¿Canca, judiocunapaj jatun Mandajchu cangui?– nijpi, Jesusca: –Ari, canllataj ña chashna ninguica– nirca.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Juan 8:14

Chaimi Jesusca: –Ñucallamantataj huillashpapish, ñucaca ima shina cashcatatajmi huillani. Ñucaca maimanta shamushcata, maiman rina cashcatapish yachanimi. Cancunaca ñuca maimanta shamushcata, maiman rigrishcatapish mana yachanguichijchu.

Juan 8:45

Chashna cashpami cancunaca mana llullashpa ñuca huillashcataca mana cringuichij.

Juan 8:46

¿Maijan cancunataj juchata ñuca rurashcata ricuchi tucunguichij? Shinashpaca ima shina cashcatataj huillacujpica ¿ima nishpataj ñucataca mana cringuichij?

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.

1 Timoteo 6:13

Tucuiman causaita cuj Taita Diospaj ñaupajpi, Poncio Pilatoman imapaj shamushcata huillaj Jesucristopaj ñaupajpipishmi, cantaca mandani.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Juan 2:21

Cancuna mana llullata mana rijsijcuna cajpica mana quillcaimanchu carcani. Ashtahuanpish rijsijcuna cajpimi quillcani. Mana llullamantaca llullaca manataj llujshi tucunchu.

1 Juan 3:14

Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

1 Juan 3:19

Chashna rurashpami, mana llullapaj cashcataca yachanchij. Ñucanchij shungupish Diospaj ñaupajpica allitaj cashcatapish yachanchijmi.

1 Juan 4:6

Ñucanchijca, Diospajmi canchij. Diosta rijsijmi, ñucanchijtaca uyan. Mana Diospaj cajca, ñucanchijtaca mana uyanchu. Chaipimi mana llulla Espirituhuan cashcata, mana cashpaca pandachij espirituhuan cashcatapish rijsinchij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin: