Juan 18:35 - Dios Rimashca Shimicunami

³⁵ Chaimi Pilatoca: –¿Ñucaca judiochari caniyari? Cambaj llajta runacuna, curacunata mandajcunami ñucapajmanca pushamuncuna. ¿Imatataj rurarcanguiyari?– nircami.

Mushuj Testamento Diospaj Shimi

³⁵ Chashna nijpi, Pilatoca: —¿Ñucaca judiochari caniari? Cambaj llajtapuracunallatajmi, pushaj curacunahuan tucushpa, Cantaca ñuca maquipi churarcacuna. ¿Imatataj rurarcanguiari?— nishpami tapurca.

Juan 18:35 Iomraidhean Croise

ESDRAS 4:12

Jatun mandaj caitami yachaj chayachinchij. Cambajmanta shamuj judiocuna ñucanchij causacunman tigramujcunaca Jerusalenman chayashpami, mana cazuj millaicuna causashca pueblota cutin shayachicun. Muyundij pircacunata rurangapajpish ñami callari rumicunata churacuncuna.

NEHEMÍAS 4:2

paipuracunapaj, Samaria soldadocunapaj ñaupajpi cashna nirca: “Cai mana valij judiocunaca ¿imatashi ruracuncuna? Sacrificiocunata Diosman cuchun saquingami yuyancunachu. Chai jatun pircataca ¿shuj punllallapi tucuchinatachu yuyancuna? ¿Rumicuna rupashpa allpa montonlla saquirishcataca cutin causachinatachu yuyancuna?” nircami.

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.

Juan 18:34

Jesusca: –¿Canca cambaj yuyaillamantachu chashna ningui, mana cashpaca shujtajcunachu canmanca chashna huillarca?– nirca.

Juan 18:36

Chaimi Jesusca: –Ñuca mandaj canaca mana cai pachamantachu. Ñuca mandana cai pachamanta cajpica, judiocunapaj maquipi ama entregachun, ñucapajta rurajcunaca macanacunmanmi. Ñuca mandanaca, mana cai pachamantachu– nirca.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Juan 19:6

Jesusta ricushpaca curacunata mandajcunapish, Taita Diospaj huasita cuidajcunapish: –¡Chacatai! ¡Chacatai!– nishpa caparinacujpimi Pilatoca: –Ñucaca paipica ima huañuipaj juchata rurashcata mana japinichu. Cancunallataj pushashpa chacatagrichijlla– nirca.

Hechos 21:38

Sarunmanmi shuj egipcio runaca, ñucanchijta llaquichingapaj chuscu huaranga huañuchijcunata jatarichishpa shitashca pambaman tandachirca. ¡Ñucaca cantaca chai runachu yuyarcanimari!– nircami.

Hechos 23:29

Chaipica, paicunapaj Mandashcata mana pajtachishcallamantami juchachicushca carca. Ñucapica paica huañunapaj, mana cashpaca carcelpi churanapajllapish ima millaita mana rurashcachu.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.