Juan 18:33 - Dios Rimashca Shimicunami

³³ Pilatoca pai mandashpa tiyana ucuman cutin yaicushpami, Jesusta cayashpaca: –¿Canca judiocunata jatun Mandajchu cangui?– nijpi,

Mushuj Testamento Diospaj Shimi

³³ Pilatoca, mandashpa tiyana ucuman cutin yaicushpa, Jesusta cayashpaca: —¿Canchu judiocunapaj Jatun Mandaj cangui?— nircami.

Juan 18:33 Iomraidhean Croise

JEREMÍAS 23:5

Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

SOFONÍAS 3:15

Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 27:11

Mandaj Pilatopaj ñaupajpi Jesús shayacujpimi, Pilatoca Jesustaca: –¿Canca, judiocunata jatun mandajchu cangui?– nijpi, Jesusca: –Ari, canllataj ña chashna ninguica– nirca.

Mateo 27:27

Mandaj Pilatopaj soldadocuna, pilatopaj mandana huasi canllaman Jesusta pushashpaca, chaipi caj tucui soldadocunatami Jesuspaj muyundijpi churarca.

Marcos 15:2

Pilatoca Jesustaca: –¿Canca, judiocunata jatun Mandajchu cangui?– nijpi, Jesusca: –Ari, canllataj ña chashna ninguica– nirca.

Lucas 23:2

Chaipimi Jesustaca: –Cai runaca ñucanchij llajta runacunata mana allita yachachishpa, bullata rurachishpa puricujtami japircanchij. Cesarman impuestota cunatapish mana cunachu ninmi. Paica jatun mandaj Cristomi cani ninmi– nircacunami.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 12:13

Chaimantami yura ramacunata p'itishpa, Jesusta tupanaman llujshimushpaca: –¡Hosanna! ¡Israelcunapaj Jatun Mandaj, Jatun Diospaj shutipi shamucujtaca alli nishca cachun!– nishpa caparircacuna.

Juan 12:15

“Sionpi causajcunalla, ama manchaichijchu. Cancunapaj jatun Mandajca, shuj huahua burropimi tiyarishca shamucun” nishcami pajtarca.

Juan 18:34

Jesusca: –¿Canca cambaj yuyaillamantachu chashna ningui, mana cashpaca shujtajcunachu canmanca chashna huillarca?– nirca.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 18:38

Chaimi Pilatoca: –¿Mana llullaca imatagari?– nirca. Jesusta chashna tapushca q'uipami, Pilatoca canllaman cutin llujshishpa judiocunataca cashna nirca: –Ñucaca cai runapica imamanta jatunta llaquichinataca mana japinichu.

Juan 19:12

Chaimi Pilatoca, ima shinapish Jesusta cacharinata yuyacurca. Chashna yuyacujpipish judiocunaca: –Cai runata cacharishpaca, mana Cesarhuan apanacujchu cangui. Pipish jatun mandaj tucusha nijca, Cesarta p'iñajmi– nishpami caparircacuna.

Juan 19:3

cashna nircacuna: –¡Judiocunapaj jatun Mandaj allimari cangui!– nishpami ch'ajyachircacuna.

Juan 19:4

Pilatoca cutin canllaman llujshishpami: –Riquichij, paipica ima millaita rurashcata mana japinichu. Chaimantami cancuna entendichun cutin canllaman pushamuni– nirca.

Juan 19:9

Pilatoca mandashpa tiyana ucuman cutin yaicushpami Jesustaca: –Canca ¿maimantataj cangui?– nijpi ashtahuanpish Jesusca imata mana nircachu.

1 Timoteo 6:13

Tucuiman causaita cuj Taita Diospaj ñaupajpi, Poncio Pilatoman imapaj shamushcata huillaj Jesucristopaj ñaupajpipishmi, cantaca mandani.