Juan 18:28 - Dios Rimashca Shimicunami

²⁸ Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.

Mushuj Testamento Diospaj Shimi

²⁸ Tutamanta utcatami Jesustaca, Caifaspaj huasimantaca Pilato mandashpa tiyana huasiman pushashpa rircacuna. Pascua micuita micungapaj ama jarca tiyachunmi, ama mapayangapaj, chai ucumanca mana yaicurcacuna.

Juan 18:28 Iomraidhean Croise

SALMOS 35:16

Millaita rurajcuna, chanzata rurajcuna, umajcunaca ñucata p'iñashpami quirucunata canirircacuna.

PROVERBIOS 1:16

Paicunaca mana allita ruranamanca, callpashpami rincuna. Huañuchinamanpish utcami llujshirincuna.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

EZEQUIEL 45:21

Huata callari quillapaj chunga chuscu punllapica Pascua micuitapish, canchis punlla fiestatapish ruranguichij. Chaipica levadura illajlla tandata micunguichij.

MIQUEAS 2:1

Millaita rurajcunaca camapi siricushpapish, millaita ruranallatami yuyancuna. Cayandijtaca paicuna yuyashca shinatajmi rurancuna. Mandanata paicunapaj maquipi charicushcamantami, chashna rurancuna. ¡Aij paicunaca imachari tucungacuna!

Mateo 27:27

Mandaj Pilatopaj soldadocuna, pilatopaj mandana huasi canllaman Jesusta pushashpaca, chaipi caj tucui soldadocunatami Jesuspaj muyundijpi churarca.

Marcos 15:16

Chaimi soldadocunaca, Pilato mandana huasi canllaman Jesusta pushashpa, chaipi caj tucui soldadocunata tandachircacuna.

Lucas 22:66

Ña pacarijpica israelcunapaj cunaj yuyajcuna, curacunata pushajcuna, mandashcacunata quillcajcunapish tandanacushpami, Jesustaca mandajcunapuralla tandanacushcapaj ñaupajman pushashpa cashna nircacuna:

Juan 11:55

Judiocunapajca Pascua fiestami chayamucurca. Chaimantami chai llajtacunamantaca, Pascua punllapi Taita Diospaj ñaupajpi alli ricuringapaj, imallata rurana cashcata rurangapaj achcacuna ñaupaman Jerusalenmanca huichiyarcacuna.

Juan 18:13

Ña huatashpaca Jesustaca Anaspajmanrajmi pusharcacuna. Anasca Caifaspaj suedromi carca. Caifasca chai huataca curacunata mandaj curami carca.

Juan 18:15

Simón Pedroca, shuj yachacujndijmi, Jesusta catishpa rirca. Pedrohuan rij yachacujca, curacunata mandajpaj rijsishcami carca. Chashna cashpami curacunata mandajpaj huasi canllaman Jesusta catishpa yaicurcalla.

Juan 18:33

Pilatoca pai mandashpa tiyana ucuman cutin yaicushpami, Jesusta cayashpaca: –¿Canca judiocunata jatun Mandajchu cangui?– nijpi,

Juan 18:39

Shina cajpipish cancunaca, Pascuapica prezumanta shujta cacharichun nijcunami canguichij. Cunanca ¿judiocunapaj jatun Mandajtachu cacharichun ninguichij?– nircami.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Juan 19:14

Pascua punllapaj allichirina chaupi punlla shinatami Pilatoca judiocunataca: –¡Caipimi cancunata jatun Mandajca!– nijpi,

Juan 19:9

Pilatoca mandashpa tiyana ucuman cutin yaicushpami Jesustaca: –Canca ¿maimantataj cangui?– nijpi ashtahuanpish Jesusca imata mana nircachu.

Hechos 10:28

Chaimi Pedroca paicunataca: –Judiocunaca, mana judiocunahuanca mapayanamanta mana tandanacuna, mana c'uchuyanallapish cashcataca cancunallataj yachanguichijmi. Ñucanchijca cancunataca yanga runacunalla cashcata yuyashpa causacujpimi Taita Diosca: “Canca pitapish millananmi, mapami nishpaca ama ningui” nishpa ricuchishpa huillarca.

Hechos 10:32

Cunanca Pedro nishca Simonta Jope pueblomanta pushanaman cachai. Paica carata ñutujllata ruraj Simonpaj huasipimi pozacun. Chai huasica mama cucha c'uchupimi. Chai Pedro shamushpami can imalla rurana cashcataca huillanga” nircami.

Hechos 11:3

cashna rimanacurcacuna: –¿Ima nishpataj circuncisionta mana rurashca runacunapaj huasiman yaicushpa, paicunahuan micurcangui?– nijpimi,

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

DEUTERONOMIO 16:2

Mandaj Dios cancunapaj Taita Diosman Pascuapi cuna cashca ovejata, vacataca Mandaj Dios paipaj shutita churangapaj agllashca pueblopi huañuchishpa cunguichij.