Juan 18:26 - Dios Rimashca Shimicunami

²⁶ Chashna nishca q'uipaca curacunata mandajpajta rurajcunamanta shujmi cutin Pedrotaca: –Cantaca ñucaca chai runahuan huertapi cajtamari ricurcani– nirca. Chai runaca rinrinta Pedro p'itishcapaj familiami carca.

Mushuj Testamento Diospaj Shimi

²⁶ Curacunata mandaj curapaj servijcunapuramanta shujmi: —Ñuca quiquinmari cantaca chai runahuan huertapi cajta ricurcani— nirca. Chashna nij runaca, rinrinta Pedro pʼitishca runapaj huasi ucupurami carca.

Juan 18:26 Iomraidhean Croise

PROVERBIOS 12:19

Imatapish cashcata rimaj runaca causacungallami. Ashtahuanpish llulla runaca asha punllacunapajllami.

Mateo 26:73

Chai asha q'uipaca, chaipi cajcuna Pedropajman c'uchuyamushpaca: –Canpish paicunapurallatajmi cangui. Paicuna shinallatajmi rimangui– nircacunami.

Lucas 22:58

Chai asha q'uipa shujtaj ricushpapish: –Canpish chaicunapuramari cangui– nijpi, Pedroca: –Ñucaca mana chaicunapurachu cani– nirca.

Juan 18:1

Jesusca chashna mañashca q'uipaca paipaj yachacujcunandij chaimanta rishpami, Cedrón yacuta ch'imbashpa chaipi tiyaj huertaman paipaj yachacujcunandij yaicurca.

Juan 18:10

Shina nicujpi Simón Pedroca, curacunata mandajpajta rurajtami, espadata huaquichinamanta surcushpa, alli lado rinrinta p'itirca. Chai servijca, Malco shutimi carca.