Juan 18:20 - Dios Rimashca Shimicunami

²⁰ Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Mushuj Testamento Diospaj Shimi

²⁰ Chaicunata tapujpimi, Jesusca cashna nirca: —Ñucaca, cai pachapi causajcunamanca, tucuicunamanmi rimarcani. Tandanacuna huasipi, Diospaj huasipi, tucui judiocuna tandanacushcapimi yachachij carcani. Imata mana pacalla rimarcanichu.

Juan 18:20 Iomraidhean Croise

SALMOS 22:22

Ñuca huauquicunaman quiquinpaj shutita huillashami. Tandanacushcacunapaj chaupipi quiquinta alabashami.

SALMOS 40:9

Quiquinca cashcata ruraj cashcataca, jatun tandanacuipimi huillarcani. Mandaj Dioslla, ñuca mana upajlla saquirishcataca quiquinllataj yachanguimi.

ISAÍAS 45:19

Ñucaca mana pacallapi rimarcanichu. Ñucaca cai pacha mai amsallapica mana rimarcanichu. Jacobpaj huahuacunataca: Ñucataca yangallami mashcanguichij mana nircanichu. Mandaj Dios ñucaca cashcatataj rimaj, ima pandata mana huillajmi cani.

ISAÍAS 48:16

Ñucapajman c'uchuyashpa caita uyaichij: Callarimantapacha pacallapica mana rimashcanichu. Tucuita callarichicushpapish chaipimi carcani. Tucui imalla tucucujpipish chaipimi cani” ninmi. Cunanca Mandaj Jatun Diosmi paipaj Espirituhuan ñucataca cacharca.

Mateo 24:26

Chaimanta maijanpish cancunamanca: “Riquichij, Quishpichijca shitashca pambapimi” nijpipish, ama ringuichijchu. Mana cashpaca: “Riquichij, huasi ucupimi” nijpipish, ama cringuichijchu.

Mateo 26:55

Chaipimi Jesusca, paita japijcunataca cashna nirca: –¿Shuhuata shinachu espadacunahuan, caspicunahuan japinaman shamushcanguichij? Ñucaca Diospaj huasipica punllantami yachachishpa cancunallahuantaj carcani. Chaipica mana japircanguichijchu.

Mateo 26:65

Chaipica curacunata mandajca, yallitaj p'iñarishpami paipaj churanacunata lliquirishpaca: –¡Diostamari c'amin! ¿Imapajtaj ashtahuan huillajcunata tapucushunchijlla? Dios tucushpa rimarijtaca cancunallataj ña uyanguichijmi.

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Mateo 9:35

Jesusca tucui pueblocunata llajtacunata purishpami, Taita Dios mandana alli huillaita paicunapaj sinagogacunapi yachachishpa tucui laya ungüihuan cajcunata, nanaihuan cajcunata tucuicunata alliyachirca.

Marcos 8:32

Yachacujcuna alli entendichunmi chashna nishpa huillarca. Pedroca Jesusllata chaininijman pushashpami ama chashna nirichu nishpa jarcasha nirca.

Lucas 21:37

Punllaca Taita Diospaj huasipimi yachachirca. Tutaca, Olivo shuti urcumanmi rirca.

Lucas 4:15

Jesusca israelcunapaj sinagogacunapi yachachicushpaca, tucuicuna alli nishcami carca.

Juan 18:21

¿Ima nishpataj ñucataca tapungui? ñuca yachachishcacunataca uyajcunata tapui. Paicunami ñuca imata nishcataca yachancuna– nircami.

Juan 6:59

Caicunataca, Capernaúm pueblopi caj sinagogapi yachachishpami Jesusca chashna nirca.

Juan 7:14

Chai fiesta ña chaupiyagrijpica, Jesusca Taita Diospaj huasiman rishpa chaipi yachachi callarijpimi,

Juan 7:26

Riquichij, tucuicunaman huillacujpipish, paitaca pi imata mana ninca. ¿Mandajcunaca paitaca Cristo cashcatachu yuyancuna imashi?

Juan 7:28

Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

Juan 7:4

Tucuicuna rijsishca casha nishpaca pi imata mana pacalla ruranchu. Chaimanta can ruracushcacunataca tucuicunapaj ñaupajpi rurashpa ricuchigri– nircacunami.

Juan 8:2

Cayandij tutamantaca Jesusca Taita Diospaj huasimanmi tigramurca. Chaipica tucuicuna paipajman shamujpimi tiyarishpa paicunata yachachirca.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Hechos 26:26

Pai jatun mandaj Agripapish chai tucui imalla tucushcataca allimi yachan. Mai pacallapi mana chashna tucushcachu. Chaimantami ñucaca paipaj ñaupajpi imata mana manchashpa huillacuni.