Juan 18:11 - Dios Rimashca Shimicunami

¹¹ Chashna rurajpimi Jesusca, Pedrotaca: –Cambaj espadata huaquichinapi churai. Ñuca Yaya cushca copataca ¿manachari ubyachun ningui?– nirca.

Mushuj Testamento Diospaj Shimi

¹¹ Chashna rurajpimi Jesusca, Pedrotaca: —Cambaj espadataca, huaquichinallapitaj huaquichilla. Yaya Ñucaman cushca jayaj ubyanataca, ubyanatajmi cani— nircami.

Juan 18:11 Iomraidhean Croise

2 SAMUEL 16:10

Jatun mandajca: –Sarviapaj churicuna, cancunaca mana chashna rurai tucunguichijchu. Mandaj Diosllataj Davidtaca llaqui tucushca canman nigri nijpi, llaqui tucushca canman nicungallatajmari. Chashna cajpica ¿pitaj paitaca imapajtaj chashna nicungui ni tucungari?– nircami.

SALMOS 75:8

Copaca Mandaj Diospaj maquipimari. Vinoca tucuihuan chagrushca p'ucushcamari. Chai vinotaca paimi tallinga. Cai pachapi causaj Diosta mana rijsijcunami tucuringacama ubyangacuna.

EZEQUIEL 23:31

Canca cambaj ñañapaj chaquillatatajmi catircangui. Chashna cashcamantaca, cambaj ñañaman cáliz vasopi cushca ubyanallatatajmi canmanpish cusha.

Mateo 20:22

Chaimi Jesusca: –Imata mañacushcatapish mana yachanguichijchu. ¿Ñuca ubyana cashca vasomantaca ubyai tucunguichijchari, ñuca imahuan bautizarishcapipish bautizari tucunguichijchari?– nijpi paicunaca: –Ari, chashna rurai tucunchijmi– nircacuna.

Mateo 26:39

Chaimanta ashallata rishpami, Jesusca cungurishpa cumurishpaca: “Ñuca Yayitu. Ima shinamanta jayajta ubyana shina llaquita mana apana cajpica, ñucamanta cai llaquita anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nishpami Diosta mañarca.

Mateo 26:42

Cutin rishpaca: “Ñuca Yayitu, ima shinamanta jayaj ubyana shina cai llaquita ñuca apanallataj cajpica, cambaj munaita rurapai” nishpami, caihuanca ishqui cutin Diosta mañarca.

Lucas 12:30

Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan.

Lucas 22:42

Chaipica: –Ñuca Yayitu, ima shinamanta cai jayajta ubyana shina llaquita mana apana cajpica, ñucamanta anchuchipai. Ñuca chashna nijpipish ama ñuca munashcata rurapaichu, ashtahuanpish can munashca shina rurapai– nircami.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 18:36

Chaimi Jesusca: –Ñuca mandaj canaca mana cai pachamantachu. Ñuca mandana cai pachamanta cajpica, judiocunapaj maquipi ama entregachun, ñucapajta rurajcunaca macanacunmanmi. Ñuca mandanaca, mana cai pachamantachu– nirca.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

2 Corintios 10:4

Ñucanchijca mana cai pachapaj macanacunahuanchu macanacucunchij, ashtahuanpish Dios cushca imatapish rurai tucuj macanacunahuanmi jarcacuj pirca shinacunata urmachinchij.

2 Corintios 6:7

Mana llulla shimicunahuan, Diospaj poderhuan cashcata ruranapaj alli maquipi, lluqui maquipi cushca macanacunahuan,

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.