Juan 17:5 - Dios Rimashca Shimicunami

⁵ Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Mushuj Testamento Diospaj Shimi

⁵ Cunanca Yayalla, cai pacha manaraj tiyajpi, Ñucata Quiquinhuan charicushpa sumajyachishca shinallataj sumajyachihuailla.

Juan 17:5 Iomraidhean Croise

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 10:30

Ñuca Yayapish, ñucapish shujllami canchij– nijpimi,

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

Filipenses 2:6

Paica, Dios shinallataj cashpapish, imata chariraj shina, Dios shina canataca mana munaj shinami carca.

Hebreos 1:10

Cashnapishmi nirca: “Jatun Dios, callaripica canmi cai pachataca rurarcangui. Jahua pachapish cambaj maquicuna rurashcami.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

1 Pedro 1:20

Paitaca manaraj cai pachata rurashpami, huañunami nishca carca. Chaitaca cancunata c'uyashcamantami, cai punllacunapi ricuchishca.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

1 Juan 1:2

(Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.